Introduksyon

Ito ang Proseso ng Digital Millennium Copyright Act ("ang Proseso") ng Southern California Edison Company ("SCE"). Nilalayon ang Proseso para ipatupad ang mga pamamaraan na itinakda sa 17 U.S.C. Section 512, ang Digital Millennium Copyright Act ("DMCA"). Kinakailangang igalang ng mga user at ng lahat ng taong nagpo-post sa site ng SCE ("Mga Nagpo-post na Partido") ang mga copyright ng lahat ng third party.

Itinalagang Ahente

Para gamitin ang iyong mga karapatan sa DMCA, dapat magpadala ang May-ari ng Copyright ng kumpletong Abiso ng Reklamo sa DMCA sa sumusunod na ahente, na itinalaga naming mangasiwa sa mga usaping tungkol sa DMCA:

Lyndon Torres
Southern California Edison Company
2244 Walnut Grove Avenue
GO-1, Quad 3C
Rosemead, California 91770

Telepono: (626) 302-1095

Email: copyrightagent@sce.com

Kapag nakatanggap kami ng wastong abiso ng inaangking paglabag sa copyright, susundin ng SCE ang mga pamamaraang nire-require ng DMCA, na nakabalangkas sa ibaba para sa kaginhawahan mo.

Katapatan sa Mga Abiso ng DMCA at Ang Aming Proseso sa Mga Hindi Sumusunod na Abiso ng DMCA

Maging ganap na tapat at tumpak sa lahat ng Abiso ng DMCA sa amin. Ang sinumang sadyang magsisinungaling na lumalabag ang anumang materyal o dahil sa kanya'y nagkamali sa pag-aalis o pag-disable ng anumang materyal ay MANANAGOT sa anumang pinsalang idinulot nito sa kabilang partido at sa SCE. Tingnan ang 17 U.S.C. Seksyon 512(f). May kapangyarihan ang SCE na pamahalaan ang anumang hindi sumusunod na Mga Abiso ng DMCA sa anumang paraang itinuturing na makatwiran, batay sa mga kasalukuyang sitwasyon.

Mga Pamamaraan para sa Abiso ng Reklamo sa DMCA para sa Mga May-ari ng Copyright

Kung gusto mong ipaalam sa SCE na may paglabag sa iyong copyright na lumalabas sa site ng SCE, dapat mo kaming bigyan ng nakasulat na abiso alinsunod sa DMCA. ("Abiso ng Reklamo sa DMCA"). Kung hindi mo maibigay ang lahat ng nire-require na impormasyon, maaantala kami, mapipigilan sa, o pipiliin naming hindi asikasuhin ang iyong Abiso ng Reklamo sa DMCA. Dapat kasama sa Abiso ng Reklamo sa DMCA ang lahat ng sumusunod:

1. Dapat kang magsama ng sapat na impormasyon para makaugnayan ka namin, tulad ng iyong address, numero ng telepono, at kung available, isang electronic na mail address.
2. Dapat tukuyin sa Abiso ng Reklamo sa DMCA ang materyal na inaangkin mong lumalabag sa iyong copyright at na gusto mong ipaalis.
3. Dapat tukuyin sa Abiso ng Reklamo sa DMCA kung saan sa site namin lumalabas ang inaangking paglabag na may sapat na detalye para mahanap at malinaw naming matukoy ang inaaangking paglabag.
4. Dapat kasama sa Abiso ng Reklamo sa DMCA ang dalawang sumusunod na pahayag:
   1. "May makatwirang paniniwala ang nagrereklamong partido na ang paggamit ng materyal sa paraang inirereklamo ay hindi pinapahintulutan ng may-ari ng copyright, ng ahente nito, o ng batas."
   2. "Ang impormasyon sa abiso ay tumpak, at sa ilalim ng parusa ng perjury, pinahihintulutan ang nagrereklamong partido na kumilos sa ngalan ng may-ari ng eksklusibong karapatan na di-umano'y nilabag."
5. Kailangan mong pirmahan ang Abiso ng Reklamo sa DMCA (electronic man o pisikal) sa dulo.

Kung Makatanggap ng Abiso ng Reklamo sa DMCA - Pamamaraan sa Pag-aalis

Inaasahan naming sumusunod sa mga naaangkop na batas sa copyright ang lahat ng Nagpo-post na Partido sa aming site. Gayunpaman, kung makatanggap kami ng wasto at kumpletong Abiso ng Reklamo sa DMCA na nagsasaad na may materyal sa aming site na lumalabag sa copyright, susuriin namin ang Abiso at ang mga pag-aangkin nito. Maglaan ng kahit man lang tatlong araw ng negosyo para matanggap, masuri, at mapagpasyahan namin ang lahat ng Abiso ng Reklamo sa DMCA. Kung ipinapahiwatig sa SCE ng mga katotohanan sa Abiso ng Reklamo sa DMCA, sa sarili namin at eksklusibong pagpapasya, na mayroong paglabag sa copyright, agad naming aalisin (o idi-disable) ang lumalabag na materyal, at gagawa kami ng mga makatwirang pagsisikap para ipaalam sa Nagpo-post na Partido ang ginawa naming aksyon.

Kung makatanggap ng Counter Notification sa DMCA - Pamamaraan ng Pagpapalit

Kung talagang pakiramdam ng Nagpo-post na Partido na hindi isang paglabag ang materyal na na-post niya, puwedeng magbigay ang Nagpo-post na Partido sa aming Nakarehistrong Ahente ng Counter Notification sa DMCA. Kailangang nakasulat ang Counter Notification sa DMCA at dapat kasama rito ang mga sumusunod na impormasyon:

1. Pagkilala sa materyal na inalis o na-disable, at ang lokasyon kung saan lumabas ang materyal bago ito inalis o na-disable.
2. Sapat na impormasyon para makaugnayan namin ang Nagpo-post na Partido, gaya ng address, numero ng telepono, at kung available, isang electronic na mail address.
3. Dapat kasama sa Counter Notification sa DMCA ang pahintulot ng Nagpo-post na Partido na mapasailalim ang pagtatalo sa hurisdiksyon ng Federal District Court kung nasaan ang Nagpo-post na Partido, ang pagsang-ayon ng Nagpo-post na Partido na tanggapin ang serbisyo ng proseso, at isang pahayag sa ilalim ng parusa ng perjury gaya ng ibinigay ng May-ari ng Copyright sa Abiso ng Reklamo sa DMCA. Dapat itong ibigay sa pamamagitan ng pagsasama (at pagkumpleto, kung naaangkop) ng sumusunod na tatlong pahayag:
   1. Sumasang-ayon ako sa hurisdiksyon ng Federal District Court para sa [ilagay ang pederal na distrito ng hukuman kung saan matatagpuan ang iyong address].
   2. "Tatanggapin ko ang serbisyo ng proseso mula sa May-ari ng Copyright na si [ilagay ang pangalan ng May-ari ng Copyright] o sa kanyang ahente"; at
   3. " Nanunumpa ako, sa ilalim ng parusa ng perjury, na may makatwiran akong batayan na mali ang pag-aalis o pag-disable sa apektadong materyal, o nagkaroon ng pagkakamali sa pagtukoy sa materyal na aalisin o idi-disable"; at
4. Dapat lagdaan ng Nagpo-post na Partido ang Counter Notification sa DMCA (electronic o pisikal) sa dulo nito.

Kapag nakatanggap kami ng kumpletong Counter Notification sa DMCA, magbibigay kami ng kopya sa May-ari ng Copyright at ipapaalam namin sa May-ari ng Copyright na papalitan namin ang materyal sa loob ng 10 hanggang 14 na araw ng negosyo maliban kung unang makakatanggap ang aming Itinalagang Ahente ng nakasulat na abiso na nagsampa ang May-ari ng Copyright ng aksyong humihingi ng utos ng hukuman para pigilan ang Nagpo-post na Partido sa pakikisali sa lumalabag na aktibidad na nauugnay sa inalis na materyal. Kung makatanggap kami ng abiso sa loob ng itinakdang panahon na ang May-ari ng Copyright ay nagsampa ng naturang aksyon laban sa Nagpo-post na Partido, hindi namin muling ipo-post ang materyal. Kung hindi kami makakatanggap ng abiso sa loob ng itinakdang panahon na ang May-ari ng Copyright ay nagsampa ng aksyon laban sa Posting Party, muli naming ipo-post ang materyal.

Mga Paulit-ulit na Paglabag

Sa ilalim ng mga naaangkop na sitwasyon, posibleng alisin ng SCE, ayon sa pagpapasya nito, ang pahintulot ng sinumang user ng system o network nito, kasama ang sinumang Nagpo-post na Partido, na paulit-ulit na lumalabag sa mga copyright.

Pagsasaayos ng Mga Karaniwang Teknikal na Hakbang

Nasa proseso ng SCE na magbigay-daan at hindi mangialam sa "mga karaniwang teknikal na hakbang" na ginagamit ng mga may-ari ng copyright para tukuyin o protektahan ang mga naka-copyright na gawa ayon sa kahulugan ng terminong iyon sa Section 512(i)(2) ng Title 17 ng United States Code