Priyoridad namin na mapanatiling ligtas ang mga customer. Nakatuon kaming tulungan ang mga sambahayan na nangangailangan ng paggamit ng mga medikal na device na pinapagana ng kuryente na maging handa para sa mga di-inaasahang pag-brownout. 

Nag-aalok ang aming programa na Critical Care Backup Battery ng mga libreng portable na backup na baterya na maaaring magpagana sa iyong mga medikal na device kapag nag-brownout. Dagdag pa rito, dahil portable ang mga baterya, puwedeng gamitin ang mga ito para masuportahan ka habang lumilikas ka mula sa iyong tahanan.

Image

Sino ang eligible na lumahok sa programa na Critical Care Backup Battery?

Ang mga customer na naninirahan sa mga lugar na may mataas na panganib ng sunog at kasalukuyang naka-enroll sa aming programa na Medical Baseline Allowance, at nangangailangan ng regular na paggamit ng mga kagamitang medikal na pinapagana ng kuryente o ibang kwalipikadong medikal na device, ay eligible para sa programa na Critical Care Backup Battery.

Kung nakipag-ugnayan kami sa iyo tungkol sa programang ito, maaari kang maging prequalified na mag-sign up. Para sa higit pang impormasyon, tawagan ang supplier na nakalista sa iyong notification, o tumawag sa amin sa 1-800-736-4777.

Paano gumagana ang programa na Critical Care Backup Battery?

Makikipag-usap sa iyo sa telepono ang aming contractor para ma-verify ang iyong pagiging eligible, malaman ang naaangkop na laki ng baterya para sa iyong mga kasalukuyang medikal na device, at mag-arrange ng appointment para sa pag-deliver. May pansamantalang pang-backup na kuryente na puwedeng ibigay sa mga device tulad ng nebulizer, motorized wheelchair charger, respirator, ventilator, o iba pang medikal na device. (Tingnan ang listahan ng mga kwalipikadong medikal na device.) Ibinibigay nang walang bayad ang pag-deliver at pag-set up ng baterya, kabilang ang pagsasanay sa paggamit nito.

Ano ang kasama?

• Portable, rechargeable, at clean-energy na backup na baterya (sinusuportahan ng tatlong taong warranty) para magbigay ng pansamantalang power sa mga kritikal na medikal na device. Isinasaksak ang baterya sa isang regular na saksakan ng kuryente para mag-charge.
• Solar panel kit para sa karagdagang kakayahan sa pag-charge
• Ang programa na Critical Care Backup Battery ("Programa") ay pinondohan ng mga consumer ng utilidad ng California at pinangangasiwaan ng Southern California Edison sa ilalim ng patnubay ng Komisyon ng Mga Pampublikong Utilidad ng California (California Public Utilities Commission - CPUC). Maaaring may nalalapat na mga karagdagang paghihigpit at limitasyon sa programa. Ang mga serbisyo ay maaaring hindi available sa lahat ng lugar. Inaalok ang mga serbisyong ito nang first-come, first-served hanggang sa magamit ang funding o ihinto ang programa. Ang Programa ay maaaring mabago o magwakas nang walang paunang abiso. Ang mga mamimili sa California ay hindi obligadong kumuha ng anumang serbisyo nang may buong bayad o ng iba pang serbisyo na hindi pinopondohan ng programang ito. Parehong available ang programang ito sa mga may-ari ng bahay at nangungupahan. Para sa mga nangungupahan, maaaring kailanganin ang nakasulat na permiso ng may-ari bago mai-deliver ang mga serbisyo.