Ang pag-brownout ay posibleng magdulot ng mga panganib sa pagmamaneho, kabilang ang mga ilaw sa kalye na hindi gumagana, at posibleng may mga sasakyang pang-emergency o pangkumpuni sa kalsada.

Kung nagmamaneho sa durasyon ng brownout, narito ang ilang tip para manatiling ligtas:

• Mag-ingat nang husto. Tingnan ang mga sasakyan at pedestrian. Huminto sa lahat ng interseksyon at ituring na mga four-way stop ang lahat ng ilaw-trapiko na hindi gumagana.
• Huwag magmaneho kapag pagod. Manatili muna sa kinalalagyan o huminto sa gilid.
• Limitahan ang paggamit ng cellphone. Ibigay ang buong atensyon sa kalsada, lalo na kapag brownout.
• Maging mulat sa iba. Ang mga madilim kalsada at hindi gumaganang ilaw-trapiko ay posibleng magdulot ng mga hindi inaasahang sitwasyon, tulad ng mga driver na nasa maling panig ng kalsada o mga naglalakad na mahirap makita.
• Alamin ang iyong ruta. Kung hindi gumagana ang serbisyo ng cellphone, posibleng hindi gumana ang mga function ng nabigasyon.
• Magdala ng emergency cash. Ang mga credit card ay posibleng hindi gumana sa durasyon ng mga brownout.
• I-charge ang iyong electric na sasakyan. Kung kailangan mong i-recharge ang iyong EV kapag brownout, makakahanap ka ng mga opsyon sa plugshare.com. 

Kung mawalan ng kuryente habang nasa elevator ka, awtomatiko itong hihinto. Narito ang puwede mong gawin para makakuha ng tulong:

• Pindutin ang button na "Open". Kung malapit ka sa isang landing kapag huminto ang elevator, magbubukas ang pinto kapag pinindot mo ang button. Maingat na lumabas ng elevator, dahil maaaring hindi ito kapantay ng landing.
• Pindutin ang button na "Alarm" o "Help." Tutugon ang emergency personnel sa loob ng ilang minuto. Ang ilang elevator ay may two-way speaker system o telepono, pero posibleng hindi ka makatawag. Dapat tumawag ang emergency personnel kapag dumating na sila.
• Manatiling kalmado. Tumawag para sa tulong o kumatok sa pinto ng elevator tuwing ilang minuto para makakuha ng pansin.
• Maghintay ng tulong. Huwag na huwag subukang lumabas sa mga pintong bahagyang nakabukas o sa ceiling service door. Hintaying dumating ang sinanay na emergency personnel. Posibleng uminit ang elevator, pero may sapat na hangin na umiikot sa loob. 

Ang mga pagkaing madaling mapanis sa iyong refrigerator at freezer ay posibleng hindi ligtas kainin pagkatapos ng isang  brownout, depende sa kung gaano katagal nawalan ng kuryente at sa temperatura sa labas. Gawin ang mga hakbang na ito para matiyak na ligtas pa ring kainin ang iyong mga pagkain, kapag bumalik na ang kuryente.

• Panatilihing nakasara ang refrigerator, at buksan lang ito kung kinakailangan. Kapag hindi binuksan ang refrigerator, posibleng mapanatiling malamig ang mga pagkain na sapat sa loob ng ilang oras. Ang paglalagay ng mga bloke ng yelo sa loob ay makakatulong din na mapanatiling sariwa ang pagkain nang mas matagal. I-check nang mabuti ang mga pagkain kung may mga palatandaan ng pagkapanis bago kainin.
• Limitahan nang hanggang 40 degrees lang. Ang mga pagkaing madaling mapanis ay hindi dapat itago sa temperaturang higit sa 40 degrees Fahrenheit nang higit sa dalawang oras.
• Mga cooler at lagayan ng yelo. Kung ang brownout ay tumagal nang higit sa dalawang oras, ilipat ang mga produktong dairy, karne, isda, manok, itlog, at natirang pagkain sa isang cooler na may yelo. Puwedeng lagyan ng mga frozen na item ang isang hiwalay na cooler.
• Ang mga item na hindi madaling mapanis tulad ng mga pagkaing de-lata, dry goods, at powdered o boxed milk ay puwedeng ikonsumo nang malamig o initin sa ihawan.
• Mag-iwan ng ilaw kapag matutulog ka. Aalertuhan ka nito kapag bumalik ang kuryente, na magbibigay-daan sa iyo na i-check ang kundisyon ng iyong pagkain.
• Kung wala ka noong brownout, alamin muna kung gaano katagal nawalan ng kuryente. Gumamit ng quick-response thermometer para i-check ang panloob na temperatura ng mga pagkaing madaling mapanis sa iyong refrigerator — itapon ang anumang pagkain na higit sa 40 degrees. Kung bumalik na ang kuryente sa loob ng 24 na oras at medyo puno na ang iyong freezer, ligtas nang kainin ang mga frozen na item. Kung ang refrigerator ay walang kuryente nang higit sa 24 na oras, mainam na itapon na ang lahat ng madaling mapanis. 

Kung ang isang circuit sa iyong bahay ay nag-overload o nagka-short, iti-trip at isa-shut off ng breaker ang kuryente. Nakakatulong ito para maiwasan ang sunog at posibleng electric shock. Kung bumalik na ang kuryente ninyo sa inyong kapitbahayan pagkatapos ng brownout, pero hindi bumalik sa iyong bahay ang lahat ng kuryente, posibleng ma-restore ng pag-reset ng breaker ang kuryente sa (mga) apektadong kuwarto.

Paano I-reset ang Mga Circuit Breaker

1. Patayin ang lahat ng switch ng ilaw at tanggalin sa saksakan ang mga appliance sa mga kuwartong nawalan ng kuryente.
2. Hanapin ang iyong circuit breaker box at buksan ang takip. Sa loob, makikita mo ang maliliit na switch, na kadalasang may label ayon sa kuwarto tulad ng "kitchen" o "bathroom."
3. Hanapin ang tripped breaker — ito ay ang nasa "off" na posisyon o sa gitnang posisyon sa pagitan ng "on" at "off."
4. Kung hindi pa ito naka-off, ilipat ang switch sa ganap na "off" na posisyon, at pagkatapos ay ibalik sa "on". Dapat nitong i-clear ang anumang overload at ibalik ang kuryente sa kuwarto.
5. Kung ang nag-trip ulit ang breaker, posibleng sanhi ito ng napakaraming device na nakasaksak (tulad ng mga lamp at appliance), sirang cord o plug, short-circuit sa isang fixture o outlet, o may sira na mga kable. Siguraduhing tukuyin at ayusin ang dahilan.

Mga Tala at Babala

• I-reset lang ang breaker kapag naitama mo na ang problema. Kung paulit-ulit na nagti-trip ang isang breaker, tumawag na ng electrician.
• Karamihan sa mga breaker ay nagpapakita ng orange flag kapag tripped ang mga ito.
• Kung ang iyong tahanan ay gumagamit ng mga fuse sa halip na mga circuit breaker, sundin ang mga parehong hakbang para sa paghahanap ng pumutok na fuse. Siguraduhing palitan ito ng bago na may parehong amperage.
• Kapag nire-reset ang breaker, gumamit lang ng isang kamay at tumayo sa gilid para maiwasan ang electrical arcing kung sakaling magkaroon ng aberya.
• Posibleng maging mapanganib kapag inaayos ang mga electrical system. Kung hindi ka sigurado sa anumang aspeto ng gawain, tumawag sa isang kwalipikadong electrician. 

Narito ang ilang mungkahi at tip para matulungan kang mapangasiwaan ang mga brownout habang nagtatrabaho o nag-aaral sa bahay.

1. Mag-set up ng Wi-Fi hotspot ng cellphone.
   1. Makipag-ugnayan sa iyong provider para malaman kung puwedeng gamitin ang cellphone mo bilang hotspot at kung may karagdagang bayad.
   2. Mag-set up ng Sarili Mong Internet Hotspot.
   3. Paano Gamitin ang Iyong Android Phone bilang Wi-Fi Hotspot
   4. Paano Gawing Wi-Fi Hotspot ang Iyong Phone
2. Mag-secure ng pansamantalang alternatibong lokasyon na may Wi-Fi, tulad ng bahay ng pamilya o mga kaibigan o isang lokal na pasilidad ng lungsod.
3. Makipag-ugnayan sa iyong paaralan o lugar ng trabaho para malaman kung nag-aalok sila ng pansamantalang lugar sakaling magkaroon ng emergency.
4. I-check sa distrito ng paaralan mo, opisina, o lokal na library kung nagpapahiram sila ng mga Wi-Fi hotspot.
5. Puwedeng ma-access ang mga online learning at meeting platform gamit ang isang mobile device, tulad ng cellphone o tablet na may cellular subscription.
6. Maging handa sa mga hindi inaasahan sa pamamagitan ng pagpapanatiling ganap na naka-charge ang iyong mga device sa lahat ng oras.
7. Kung mayroon kang magagamit na backup na mapagkukunan ng kuryente, tulad ng portable power station o generator, puwede mo itong gamitin para paganahin o i-charge ang mga electronic device mo. Para sa listahan ng mga produkto at mga potensyal na rebate, pakibisita ang: https://marketplace.sce.com/.
8. Mag-sign up para makatanggap ng mga notification sa brownout sa pamamagitan ng telepono, text, o email sa pamamagitan ng pag-log in sa account mo at pag-update ng iyong impormasyon sa pakikipag-ugnayan sa Aking Account.