ហេដ្ឋារចនាសម្ព័ន្ធសំខាន់ៗ និងមជ្ឈមណ្ឌលសំខាន់ៗ
ខណៈដែលសភាពធ្ងន់ធ្ងរ និងភាពញឹកញាប់នៃភ្លើងឆេះព្រៃក្នុងរដ្ឋ California បន្តកើនឡើង សេវាទឹកភ្លើងក្នុងរដ្ឋ រួមបញ្ចូលទាំង Southern California Edison បានអនុវត្តការបិទថាមពលអគ្គិសនីដើម្បីសុវត្ថិភាពសាធារណៈ (PSPS) ដើម្បីកាត់បន្ថយហានិភ័យដែលហេដ្ឋារចនាសម្ព័ន្ធអគ្គិសនីបង្កឱ្យមានភ្លើងឆេះព្រៃធ្ងន់ធ្ងរ។ PSPS គឺជាឧបករណ៍ជាជម្រើសចុងក្រោយ។
PSPS ត្រូវមានការអនុញ្ញាតនិងស្ថិតក្រោមបទបញ្ញតិ្តរបស់គណៈកម្មការត្រួតពិនិត្យសេវាផ្គត់ផ្គង់ក្នុងលំនៅដ្ឋានរបស់រដ្ឋ California (CPUC)។ ដើម្បីកាត់បន្ថយផលប៉ះពាល់ដល់សហគមន៍និងសុវត្ថិភាពដោយសារ PSPS គណៈកម្មការ CPUC បានសម្គាល់ឃើញមជ្ឈមណ្ឌលនិងហេដ្ឋារចនាសម្ព័ន្ធសំខាន់ៗដូចជា អង្គភាព "ដែលមានភាពចាំបាច់ដល់សុវត្ថិភាពសាធារណៈ និងដែលទាមទារជំនួយបន្ថែម និងការធ្វើផែនការទុកជាមុន ដើម្បីធានាឱ្យបាននូវភាពអត់ធន់ ក្នុងអំឡុងព្រឹត្តិការណ៍ផ្ដាច់ការផ្តល់ថាមពលនានា។"
អង្គភាពដែលត្រូវបានចាត់តាំងថាជាមជ្ឈមណ្ឌល និងជាហេដ្ឋារចនាសម្ព័ន្ធសំខាន់ៗទទួលបានការជូនដំណឹងជាអទិភាពអំពីព្រឹត្តិការណ៍ PSPS ហើយអាចទទួលបានអត្ថប្រយោជន៍ពីលទ្ធភាពចូលប្រើប្រាស់Public Safety Partner Portal ប្រកបដោយសន្ថិសុខរបស់ SCE ដែលរួមមានទាំងព័ត៌មានព្រឹត្តិការណ៍ PSPS ថ្មីៗ។ យើងនឹងធ្វើការជាមួយនឹងអង្គភាពដែលជាហេដ្ឋារចនាសម្ព័ន្ធនិងមជ្ឈមណ្ឌលសំខាន់ៗដើម្បីវាយតម្លៃភាពធន់ និងលទ្ធភាពទទួលបានថាមពលបម្រុង។
អង្គភាពដែលស្ថិតក្នុងវិស័យឧស្សាហកម្ម ដែលមានចុះឈ្មោះខាងក្រោមត្រូវបានចាត់ទុកថាជា "ហេដ្ឋារចនាសម្ព័ន្ធនិងមជ្ឈមណ្ឌលសំខាន់" ដូចការកំណត់របស់គណៈកម្មការ CPUC។
វិស័យឧស្សាហកម្ម
- មណ្ឌលបញ្ជូនកម្លាំងជំនួយនាគ្រាអាសន្ន
- ស្ថានីយ៍ប៉ូលីស
- ស្ថានីយ៍ពន្លត់អគ្គិភ័យ
- មណ្ឌលប្រតិបត្តិការគ្រាអាសន្ន
- អ្នកផ្ដល់សេវាគ្រាអាសន្នរបស់រដ្ឋាភិបាលកុលសម្ព័ន្ធ
- សាលារៀន
- ទីភ្នាក់ងាររដ្ឋាភិបាលដែលចាំបាច់សម្រាប់ការការពារជាតិ
- គុកនិងពន្ធនាគារ
- ទីជម្រករបស់អ្នកគ្មានផ្ទះសម្បែង
- មជ្ឈមណ្ឌលក្នុងសហគមន៍
- មណ្ឌលចាស់ជរា
- មណ្ឌលរស់នៅដោយឯករាជ្យ ដូចការកំណត់របស់ក្រសួងស្តារនីតិសម្បទានៃរដ្ឋ California
- មណ្ឌលបោះឆ្នោតនិងមណ្ឌលរៀបចំបញ្ជីបោះឆ្នោត
- ក្រសួងសុខភាពសាធារណៈ
- មណ្ឌលត្រជាក់ (ឬផ្ដល់កម្ដៅ)
- មជ្ឈមណ្ឌលបណ្ដោះអាសន្នដែលត្រូវបានបង្កើតឡើងដោយទីភ្នាក់ងារសុខភាពសាធារណៈ
- មជ្ឈមណ្ឌលវេជ្ជសាស្ត្រ រួមមានមន្ទីរពេទ្យ មណ្ឌលថែទាំជំនាញ កន្លែងមើលថែមនុស្សចាស់ កន្លែងផ្ទុកឈាម មជ្ឈមណ្ឌលថែទាំសុខភាព មជ្ឈមណ្ឌលលាងឈាម និងមជ្ឈមណ្ឌលសង្គ្រោះកុមារ (មិនរាប់បញ្ចូលការិយាល័យវេជ្ជបណ្ឌិត ឬមជ្ឈមណ្ឌលវេជ្ជសាស្ត្រដែលមិនចាំបាច់ដទៃទៀត)
មជ្ឈមណ្ឌលផ្ដល់សេវាទឹកភ្លើងសាធារណៈឬឯកជន ដែលចាំបាច់ក្នុងការរក្សាឱ្យបានឬដើម្បីការស្ដារឡើងវិញនូវសេវាតាមធម្មតា ដោយរួមមានជាអាទិ៍ សេវាទឹកភ្លើងដែលជាកម្មសិទ្ធិរបស់រដ្ឋ និងសហគ្រាសអគ្គិសនីដែលជាប់ពាក់ព័ន្ធគ្នា។
មជ្ឈមណ្ឌលដែលជាប់ពាក់ព័ន្ធជាមួយនឹងការផ្គត់ផ្គង់ទឹកបរិភោគ ឬការដំណើរការទឹកកាកសំណល់រួមបញ្ចូលទាំង មជ្ឈមណ្ឌលដែលត្រូវបានប្រើសម្រាប់ការបូម ការបង្វែរ ការដឹកជញ្ជូន ការស្តុកទុក ការព្យាបាលសម្អាតនិងការចែកចាយទឹក ឬទឹកកាកសំណល់។
ហេដ្ឋារចនាសម្ព័ន្ធនៃក្រុមហ៊ុនផ្ដល់សេវាទូរគមនាគមន៍រួមបញ្ចូលទាំង រ៉ោតទ័រដែលបានជ្រើសរើស ការិយាល័យកណ្ដាល ទីបញ្ជាការ ទីបញ្ជាកុងតាក់ខ្សែទូរសព្ទ ស្ថានីយគ្រប់គ្រងពីចម្ងាយ និងទីតាំងបម្រើសេវាទូរសព្ទចល័តនានា
មជ្ឈមណ្ឌលដែលទាក់ទងទៅនឹងការផ្គត់ផ្គង់ ការផលិត ការជួសជុល ឬការចែកចាយសម្ភារៈនិងសារធាតុគីមីដែលមានគ្រោះថ្នាក់ (រួមបញ្ចូលទាំងប្រភេទ N-Customers ដូចការកំណត់នៅក្នុងសេចក្តីសម្រេចរបស់ គណៈកម្មការ CPUC នៅ D.01-06-085)
- រួមបញ្ចូលទាំងមជ្ឈមណ្ឌលដែលទាក់ទងទៅនឹងយានយន្ត រថភ្លើង អាកាសចរណ៍ មធ្យោបាយធ្វើដំណើរសាធារណៈសំខាន់ៗ និងមធ្យោបាយធ្វើដំណើរតាមផ្លូវសមុទ្រសម្រាប់គោលបំណងស៊ីវិលនិងយោធា។
- ប្រព័ន្ធគ្រប់គ្រងចរាចរណ៍
- អង្គការផ្ដល់ចំណីអាហារក្នុងគ្រាអាសន្ន ដូចមានកំណត់នៅក្នុងច្បាប់ 7 U.S.C. § 7501
- ឃ្លាំងចែកចាយអាហារ
ទាក់ទងមកកាន់យើងខ្ញុំតាម
ដើម្បីបន្ថែមអាជីវកម្មរបស់អ្នកចូលក្នុងបញ្ជីហេដ្ឋារចនាសម្ព័ន្ធនិងមជ្ឈមណ្ឌលសំខាន់តាមការចាត់តាំងរបស់យើងខ្ញុំនោះ ឬប្រសិនបើអ្នកមានសំណួរផ្សេងទៀត សូមទាក់ទងមកកាន់អ្នកគ្រប់គ្រងគណនីរបស់អ្នក ឬផ្ញើសំណួរទៅកាន់៖
Maria Rios
ទីប្រឹក្សាជាន់ខ្ពស់ ផ្នែកអតិថិជនអាជីវកម្ម
scebcdcustomersupport@sce.com
ធនធានមានប្រយោជន៍
- ប្រព័ន្ធឆ្លើយតបក្នុងគ្រាអាសន្នស្របគ្នារបស់ SCE
- សុវត្ថិភាពប្រព័ន្ធអគ្គិសនីដែលជាកម្មសិទ្ធិរបស់អតិថិជន
- កម្មវិធីថែរក្សាអតិថិជនលំនៅដ្ឋានសម្រាប់ការបិទថាមពលអគ្គិសនីដើម្បីសុវត្ថិភាពសាធារណៈ
- ការបិទថាមពលអគ្គិសនីដើម្បីសុវត្ថិភាពសាធារណៈ៖ របៀបដែល Southern California Edison ធ្វើសេចក្តីសម្រេចបិទថាមពលអគ្គិសនីដើម្បីសុវត្ថិភាពសាធារណៈ
ផតថលដៃគូសុវត្ថិភាពសាធារណៈរបស់ SCអាជីវកម្មដែលមានសិទ្ធិចូលក្នុងការចាត់តាំងជាមជ្ឈមណ្ឌលនិងហេដ្ឋារចនាសម្ព័ន្ធសំខាន់ អាចស្នើសុំលទ្ធភាពចូលប្រើប្រាស់ Public Safety Partner Portal