Kumilos na ngayon para maghanda sa mga brownout at emergency — magplano at tipunin ang mahahalagang supply para mapanatiling ligtas ang pamilya mo.  

Tiyaking ipakipag-usap at sanayin ang iyong evacuation plan sa mga miyembro ng pamilya, kasama na ang lokasyon ng mga supply na pang-emergency, mga contact at mahahalagang dokumento.

Kasama sa mahahalagang item sa kit para sa paghahanda sa emergency ang de-bateryang radyo, mga gumaganang baterya, mga flashlight, first-aid kit, mga ekstrang kumot, mga pamalit na damit, mga bote ng tubig, pagkaing di-nasisira, mga external na battery pack, at mga portable na charger. 

• First aid kit: Maglagay ng mga inireresetang gamot — tingnan ang mga expiration date.
• Medikal na impormasyon: Magsama ng mga kopya ng iyong mga insurance card at medical na impormasyon.
• Mga gamit para sa kalinisan: Mag-empake ng mga gamit na tulad ng hand sanitizer at mamasa-masang maliliit na tuwalya.
• Nakaboteng tubig: Inirerekomenda ng mga eksperto ang isang galon bawat tao bawat araw.
• Mga flashlight at bagong mga baterya: Magkaroon ng mga ekstrang baterya para sa lahat ng kagamitang de-baterya. Itabi ang mga ito sa lugar na madali mong makita.
• Mga pagkaing di-nasisira: Pumili ng mga item na hindi na kailangang iluto o painitin.
• Manual na abrelata: Pumili ng mga ligtas na abrelata na walang matatalim at matutulis na gilid.
• Mga cooler, lagayan ng yelo, at ice pack: Magkaroon ng ilan kung sakaling magkaroon ng mahabang brownout.  
• Mga bagay para sa mga espesyal na pangangailangan: Kabilang dito ang mga bagay na para sa mga sanggol, mga nakatatanda, o mga taong may kapansanan.
• De-bateryang radyo o hand-crank radio: Makakabalita ka gamit ang radyo.
• External na rechargeable na battery pack: Gumamit ng baterya para mag-charge ng mga cellphone at iba pang electronic device.
• Mga numero ng telepono: Panatilihin sa malapit ang mahahalagang numero ng telepono (hal., ospital, doktor, mga kamag-anak).

• Para sa maliliit na bata, magsama ng mga nakakaaliw na bagay sa mahahalagang supply sa pangangalaga.
• Para sa mga alagang hayop, magsama ng pagkain, collar na may tag, tali, at carrier o crate. 

• Regular na suriin at i-update ang mga pang-emergency na supply at stock ng pagkain. 

Nire-require ng estado ang mga pang-edukasyong pampublikong komunikasyon tungkol sa kahandaan sa emergency, na pinopondohan ng mga ratepayer.