ਦੱਖਣੀ ਕੈਲੀਫੋਰਨੀਆ ਐਡੀਸਨ ਦੇ
ਅਮਰੀਕਨ ਸਾਈਨ ਲੈਂਗਵੇਜ ਰਿਸੋਰਸ ਹੱਬ 'ਤੇ ਤੁਹਾਡਾ ਸਵਾਗਤ ਹੈ
ਅਮਰੀਕੀ ਸੈਨਤ ਭਾਸ਼ਾ (ASL) ਦੀ ਵਰਤੋਂ ਕਰਨ ਵਾਲੇ ਗਾਹਕ ਇੱਕੋ ਥਾਂ 'ਤੇ ਜਨਤਕ ਸੁਰੱਖਿਆ ਲਈ ਬਿਜਲੀ ਬੰਦ ਕਰਨਾ (PSPS), ਬਿਜਲੀ ਦੇ ਕੱਟ ਅਤੇ ਤਿਆਰੀ ਸੰਬੰਧੀ ਸਰੋਤਾਂ ਤੱਕ ਪਹੁੰਚ ਕਰ ਸਕਦੇ ਹਨ, ਜਿਨ੍ਹਾਂ ਵਿੱਚ ਸੂਚਨਾਵਾਂ, ਸਹਾਇਤਾ ਸੇਵਾਵਾਂ ਅਤੇ ਪਹੁੰਚਯੋਗ ਵੀਡੀਓਜ਼ ਸ਼ਾਮਲ ਹਨ।
PSPS ਕੀ ਹੈ?
ਜਦੋਂ ਅੱਗ ਲੱਗਣ ਵਾਲੇ ਮੌਸਮ ਦੀਆਂ ਸਥਿਤੀਆਂ ਭਾਈਚਾਰਿਆਂ ਨੂੰ ਖਤਰੇ ਵਿੱਚ ਪਾਉਂਦੀਆਂ ਹਨ, ਤਾਂ ਸਾਨੂੰ PSPS ਰਾਹੀਂ ਤੁਹਾਡੀ ਸੁਰੱਖਿਆ ਯਕੀਨੀ ਬਣਾਉਣ ਲਈ ਅਸਥਾਈ ਤੌਰ 'ਤੇ ਬਿਜਲੀ ਬੰਦ ਕਰਨ ਦੀ ਲੋੜ ਪੈ ਸਕਦੀ ਹੈ। ਇਹ ਮਹੱਤਵਪੂਰਨ ਉਪਾਅ ਉਪਯੋਗਤਾ ਉਪਕਰਣਾਂ ਕਾਰਨ ਲੱਗਣ ਵਾਲੀ ਅੱਗ ਦੇ ਖਤਰੇ ਨੂੰ ਘਟਾਉਣ ਵਿੱਚ ਮਦਦ ਕਰਦਾ ਹੈ। ਅੱਗ ਲੱਗਣ ਦੇ ਅਨੁਕੂਲ ਮੌਸਮੀ ਹਾਲਾਤ — ਜਿਨ੍ਹਾਂ ਵਿੱਚ ਤੇਜ਼ ਹਵਾਵਾਂ, ਸੁੱਕੀ ਬਨਸਪਤੀ ਅਤੇ ਘੱਟ ਨਮੀ ਸ਼ਾਮਲ ਹਨ — PSPS ਨੂੰ ਲਾਗੂ ਕਰਨ ਦੇ ਫੈਸਲੇ ਦਾ ਮੁੱਖ ਕਾਰਨ ਬਣਦੇ ਹਨ।
ਮੈਂ PSPS ਅਤੇ ਬਿਜਲੀ ਦੇ ਕੱਟ ਸੰਬੰਧੀ ਅਲਰਟ ਲਈ ਕਿਵੇਂ ਸਾਈਨ ਅੱਪ ਕਰਾਂ?
PSPS ਸੂਚਨਾਵਾਂ ਅਤੇ ਤਿਆਰੀ ਸੰਬੰਧੀ ਜਾਣਕਾਰੀ ਨੇਤਰਹੀਣ, ਘੱਟ ਨਜ਼ਰ ਵਾਲੇ, ਬੋਲੇ ਜਾਂ ਘੱਟ ਸੁਣਨ ਵਾਲੇ ਲੋਕਾਂ ਲਈ ਪਹੁੰਚਯੋਗ ਫਾਰਮੈਟਾਂ ਵਿੱਚ ਉਪਲਬਧ ਹਨ।
ਈਮੇਲ, ਟੈਕਸਟ ਜਾਂ ਵੌਇਸ ਕਾਲ ਰਾਹੀਂ ਅਲਰਟ ਪ੍ਰਾਪਤ ਕਰਨ ਲਈ sce.com/MyContacts 'ਤੇ ਆਪਣੀ ਸੰਪਰਕ ਜਾਣਕਾਰੀ ਅਤੇ ਸੂਚਨਾਵਾਂ ਸੰਬੰਧੀ ਤਰਜੀਹਾਂ ਨੂੰ ਅੱਪਡੇਟ ਕਰੋ।
ਜੇਕਰ ਤੁਹਾਡੇ ਕੋਲ SCE ਗਾਹਕ ਖਾਤਾ ਨਹੀਂ ਹੈ, ਤਾਂ ਤੁਸੀਂ sce.com/PSPSAlerts 'ਤੇ ਪਤੇ ਸੰਬੰਧੀ ਅਲਰਟ ਲਈ ਸਾਈਨ ਅੱਪ ਕਰ ਸਕਦੇ ਹੋ।
ਮੈਨੂੰ PSPS ਬਾਰੇ ਕਦੋਂ ਸੂਚਿਤ ਕੀਤਾ ਜਾਵੇਗਾ?
ਜਦੋਂ ਸੰਭਵ ਹੋਵੇ, ਅਸੀਂ ਸੰਭਾਵਿਤ PSPS ਤੋਂ ਲਗਭਗ ਤਿੰਨ ਦਿਨ ਪਹਿਲਾਂ ਗਾਹਕਾਂ ਨੂੰ ਸੂਚਿਤ ਕਰਨਾ ਸ਼ੁਰੂ ਕਰਦੇ ਹਾਂ। ਅਸੀਂ ਇਹਨਾਂ ਸਮਿਆਂ 'ਤੇ ਵੀ ਅੱਪਡੇਟ ਭੇਜਦੇ ਹਾਂ:
- ਸੰਭਾਵਿਤ ਬਿਜਲੀ ਕੱਟ ਤੋਂ ਦੋ ਦਿਨ, ਇੱਕ ਦਿਨ ਅਤੇ ਇੱਕ ਤੋਂ ਚਾਰ ਘੰਟੇ ਪਹਿਲਾਂ
- ਜਦੋਂ ਬਿਜਲੀ ਕੱਟ ਸ਼ੁਰੂ ਹੁੰਦਾ ਹੈ
- ਬਿਜਲੀ ਬਹਾਲ ਹੋਣ ਤੋਂ ਪਹਿਲਾਂ
- ਜਦੋਂ ਬਿਜਲੀ ਪੂਰੀ ਤਰ੍ਹਾਂ ਬਹਾਲ ਹੋ ਜਾਂਦੀ ਹੈ
ਲੋੜ ਅਨੁਸਾਰ ਗਾਹਕਾਂ ਨੂੰ ਸੂਚਿਤ ਰੱਖਣ ਲਈ ਹੋਰ ਸੂਚਨਾਵਾਂ ਭੇਜੀਆਂ ਜਾ ਸਕਦੀਆਂ ਹਨ।
ਅੱਪਡੇਟ ਲਈ ਬਿਜਲੀ ਕੱਟ ਦਾ ਨਕਸ਼ਾ ਦੇਖੋ।
ਕਿਹੜੇ ਸਹਾਇਤਾ ਸਰੋਤ ਉਪਲਬਧ ਹਨ?
PSPS ਦੌਰਾਨ ਅਸਮਰੱਥਾਵਾਂ ਵਾਲੇ ਜਾਂ ਪਹੁੰਚ ਅਤੇ ਕਾਰਜਸ਼ੀਲ ਲੋੜਾਂ ਵਾਲੇ ਗਾਹਕਾਂ ਲਈ ਸਰੋਤਾਂ ਅਤੇ ਸਹਾਇਤਾ ਬਾਰੇ ਹੋਰ ਜਾਣਨ ਲਈ sce.com/AFN 'ਤੇ ਜਾਓ।
ਜੇਕਰ ਤੁਹਾਨੂੰ PSPS ਜਾਂ ਹੋਰ ਬਿਜਲੀ ਦੇ ਕੱਟ ਸੰਬੰਧੀ ਕਟੌਤੀ ਐਮਰਜੈਂਸੀ ਤੋਂ ਪਹਿਲਾਂ, ਦੌਰਾਨ ਅਤੇ ਬਾਅਦ ਵਿੱਚ ਵਾਧੂ ਸਹਾਇਤਾ ਦੀ ਲੋੜ ਹੈ, ਤਾਂ 211 SCE ਗਾਹਕਾਂ ਨੂੰ ਮੁਫ਼ਤ, ਗੁਪਤ ਸੇਵਾਵਾਂ ਪ੍ਰਦਾਨ ਕਰਦਾ ਹੈ। 211 ਤੁਹਾਨੂੰ ਭਾਈਚਾਰਕ ਸਹਾਇਤਾ, ਐਮਰਜੈਂਸੀ ਤਿਆਰੀ, ਫੂਡ ਪੈਂਟਰੀ ਜਾਂ ਭੋਜਨ ਵੰਡ ਪ੍ਰੋਗਰਾਮਾਂ, ਰਿਹਾਇਸ਼, ਆਵਾਜਾਈ, ਜਨਤਕ ਸਹਾਇਤਾ ਅਤੇ ਹੋਰ ਸੇਵਾਵਾਂ ਨਾਲ ਜੋੜਦਾ ਹੈ। ਮਦਦ ਦਿਨ ਦੇ 24 ਘੰਟੇ, ਹਫ਼ਤੇ ਦੇ ਸੱਤੇ ਦਿਨ ਉਪਲਬਧ ਹੈ। ਵੀਡੀਓ ਰਿਲੇਅ ਸੇਵਾ ਲਈ 211 ਜਾਂ 866-346-3211 ਡਾਇਲ ਕਰੋ, 211-211 'ਤੇ ”PREPARE” ਲਿੱਖ ਕੇ ਟੈਕਸਟ ਕਰੋ ਜਾਂ 211now.com/SCEPrep 'ਤੇ ਜਾਓ।
- PSPS ਤੋਂ ਪਹਿਲਾਂ ਮੈਨੂੰ ਕੀ ਉਮੀਦ ਕਰਨੀ ਚਾਹੀਦੀ ਹੈ?
- PSPS ਦੌਰਾਨ ਮੈਨੂੰ ਕੀ ਉਮੀਦ ਕਰਨੀ ਚਾਹੀਦੀ ਹੈ?
- ਮੈਨੂੰ PSPS ਬਾਰੇ ਕਿਵੇਂ ਸੂਚਿਤ ਕੀਤਾ ਜਾਵੇਗਾ?
- PSPS ਲਾਗੂ ਕਰਨ ਦਾ ਫੈਸਲਾ ਕੌਣ ਲੈਂਦਾ ਹੈ?
- SCE ਕਿਹੜੇ ਹਾਲਤਾਂ ਵਿੱਚ PSPS ਨੂੰ ਕਾਲ ਕਰੇਗੀ?
- PSPS ਬਿਜਲੀ ਕੱਟ ਕਾਰਨ ਸਭ ਤੋਂ ਵੱਧ ਖਤਰੇ ਵਿੱਚ ਕੌਣ ਹੈ?
- ਪੋਰਟੇਬਲ ਜਨਰੇਟਰ ਕੀ ਹੁੰਦਾ ਹੈ?
- SCE ਪੋਰਟੇਬਲ ਬੈਟਰੀ ਕੀ ਹੈ?
- Medical Baseline Allowance ਪ੍ਰੋਗਰਾਮ ਕੀ ਹੈ?
- PSPS ਗਾਹਕ ਸਰੋਤਾਂ ਲਈ ਜਨਤਕ ਸੁਰੱਖਿਆ ਭਾਈਵਾਲ ਗਾਈਡ