1. ការរចនា
ក្នុងដំណាក់កាលរចនា SCE កំណត់ជម្រើសល្អបំផុតសម្រាប់ការពង្រឹងដោយផ្អែកលើប្រវត្តិការដាច់អគ្គិសនី ទីតាំងសៀគ្វី និងតំបន់ជុំវិញ រួមទាំងរុក្ខជាតិនៅជិតឧបករណ៍ និងលក្ខខណ្ឌអាកាសធាតុកន្លងមក។ ការវិភាគនេះគឺជាជំហានសំខាន់មួយដើម្បីកំណត់ប្រភេទការងារដែលអាចបញ្ចប់បាននៅតំបន់ដែលបានស្នើឡើង និងព័ត៌មានលម្អិតដែលត្រូវការដើម្បីកំណត់វិសាលភាពនៃការងារ។

2. ការអនុញ្ញាត
ក្រោយការកំណត់វិសាលភាពនៃការងាររួច SCE អាចកំណត់ថាតើត្រូវការការអនុញ្ញាតឬអត់។ គម្រោងភាគច្រើនតម្រូវឱ្យមានលិខិតអនុញ្ញាតយ៉ាងហោចណាស់មួយសម្រាប់ការបិទផ្លូវ ជាធម្មតាពីទីក្រុង ខោនធី ឬ Caltrans។ លក្ខខណ្ឌតម្រូវលិខិតអនុញ្ញាតបន្ថែមគឺអាស្រ័យលើទីតាំងរបស់គម្រោង។ លក្ខខណ្ឌទាំងនោះអាចរួមមានលិខិតអនុញ្ញាតខាងដីរបស់រដ្ឋ និងសហព័ន្ធ ការអនុញ្ញាតខាងបរិស្ថាន សិទ្ធិប្រើប្រាស់ទ្រព្យសម្បត្តិឯកជន ការអនុញ្ញាតរបស់រដ្ឋបាលអាកាសចរណ៍សហព័ន្ធ ឬការអនុញ្ញាតសិទ្ធិផ្លូវដែក។ ការអនុម័តលិខិតអនុញ្ញាតអាចចំណាយពេលខ្លីត្រឹមតែពីរខែ ឬដំណើរការអាចយូរជាងនេះច្រើន។

3. ការសាងសង់
ការងារអាចត្រូវបានកំណត់កាលវិភាគ ហើយការសាងសង់អាចចាប់ផ្ដើមបានបន្ទាប់ពីទទួលបានលិខិតអនុញ្ញាតដែលត្រូវការទាំងអស់។ ក្នុងករណីភាគច្រើន ការងារនេះនឹងតម្រូវឱ្យមានការដាច់អគ្គិសនីនៅចុងបញ្ចប់នៃការសាងសង់ នៅពេលដែលថាមពលត្រៀមរួចរាល់សម្រាប់ប្តូរពីខ្សែលើបង្គោលដែលមិនមានការគ្របដណ្តប់ ទៅជាខ្សែចម្លងដែចលមានការគ្របដណ្តប់ ឬខ្សែក្រោមដី។ យើងនឹងជូនដំណឹងដល់អតិថិជនជាមុន ប្រសិនបើមានការដាច់អគ្គិសនី។

ប្រសិនបើអ្នកជឿថា SCE ទទួលខុសត្រូវចំពោះការខូចខាតលើទ្រព្យសម្បត្តិរបស់អ្នកដែលកើតឡើងក្នុងអំឡុងពេលការងារបង្កប់ខ្សែភ្លើងក្រោមដី អ្នកអាចដាក់ពាក្យបណ្តឹងទាមទារសំណងបាន។ ផ្នែកទាមទារសំណងរបស់ SCE នឹងវាយតម្លៃបណ្ដឹងទាមទារសំណងតាមករណីនីមួយៗ។ អ្នកអាចស្វែងរកព័ត៌មានបន្ថែមអំពីការដាក់ពាក្យទាមទារសំណងដោយចូលទៅកាន់ sce.com/claims.

អាចមានការដាច់អគ្គិសនីនៅពេលដំឡើងខ្សែចម្លងដែលមានការគ្របដណ្តប់ ឬដាក់ខ្សែភ្លើងពីលើចូលក្រោមដី។ SCE ទទួលស្គាល់ថាការដាច់អគ្គិសនីបណ្ដោះអាសន្នអាចបង្កការរំខាន។ ការដាច់អគ្គិសនីទាំងនេះគឺចាំបាច់ដើម្បីធានាសុវត្ថិភាពកម្មករ និងសាធារណជន ខណៈពេលដែលការងារកំពុងដំណើរការ។ ការដាច់អគ្គិសនីទាំងនេះជាធម្មតាត្រូវបានគ្រោងទុក និងជូនដំណឹងដល់អតិថិជនជាមុន ដើម្បីកាត់បន្ថយការរំខាន។ SCE នឹងខិតខំជូនដំណឹងដល់អតិថិជនតាមទូរសព្ទ សារ អ៊ីមែល ឬសំបុត្រយ៉ាងហោចណាស់ 72 ម៉ោងមុនពេលមានការដាច់អគ្គិសនី ដើម្បីឲ្យអ្នកអាចចាត់វិធានការ ប្រុងប្រយ័ត្នចាំបាច់ បាន។ ទោះជាយ៉ាងណាក៏ដោយ សូមជ្រាបថាការកំណត់ពេលវេលាអាចផ្លាស់ប្តូរដោយហេតុផលសុវត្ថិភាព។ វាអាចទៅរួចថា ការដាច់អគ្គិសនីអាចត្រូវបានកំណត់ពេលឡើងវិញ លុបចោល ឬបញ្ចប់មុនពេលដែលបានគ្រោងទុក។ ការជូនដំណឹងនឹងរួមបញ្ចូលលេខការដាច់អគ្គិសនីដែលបានកំណត់ពេល ដែលអាចបញ្ចូលទៅក្នុង ផែនទីការដាច់អគ្គិសនី របស់ SCE ដើម្បីទទួលបានព័ត៌មានថ្មីៗបំផុត។ 

ទោះបីជា SCE កំពុងដកខ្សែអគ្គិសនីលើបង្គោល និងឧបករណ៍ ហើយដាក់បណ្ដាញខ្សែនៅក្រោមដីនៅតំបន់គោលដៅក៏ដោយ ក៏បង្គោលដែលមានខ្សែ និងទ្រព្យសកម្មដែលជាកម្មសិទ្ធិរបស់ក្រុមហ៊ុនផ្សេងទៀត (ឧទាហរណ៍ ទូរគមនាគមន៍ ខ្សែកាប។ល។) អាចនៅតែបន្តនៅលើដី។ SCE នឹងផ្សព្វផ្សាយវិសាលភាពនៃការងារជាមួយក្រុមហ៊ុនទូរគមនាគមន៍ដើម្បីទុកឱកាសឱ្យពួកគេបង្កប់ខ្សែរបស់ពួកគេក្រោមដីក្នុងពេលតែមួយ។ 

សុវត្ថិភាពគឺជាអាទិភាពលេខមួយរបស់ SCE។ ការងារពង្រឹងបណ្តាញអគ្គិសនីរបស់ SCE រក្សាសុវត្ថិភាពជាចម្បង និងប្រើប្រាស់យុទ្ធសាស្ត្រដ៏ទូលំទូលាយ ដែលបង្កើតចេញពីការខិតខំប្រឹងប្រែងជាបន្តបន្ទាប់ដើម្បីដោះស្រាយហានិភ័យភ្លើងឆេះព្រៃភ្លាមៗ និងរយៈពេលវែង ក្នុងការឆ្លើយតបទៅនឹងតម្រូវការសហគមន៍ដែលកំពុងផ្លាស់ប្តូរ និងព្រឹត្តិការណ៍អាកាសធាតុមិនល្អខ្លាំង។ យើងបន្តពង្រឹងបណ្តាញអគ្គិសនី និងវិនិយោគលើវិធានការភាពធន់ រួមទាំងការដំឡើងខ្សែភ្លើងដែលស្រោបជិត ការដាំបង្គោលភ្លើងនៅក្រោមដី ការឈូសឆាយរុក្ខជាតិនៅជិតបង្គោលភ្លើង ការត្រួតពិនិត្យឧបករណ៍សម្រាប់ជួសជុល និងថែទាំ និងការរួមបញ្ចូលបច្ចេកវិទ្យាទំនើបៗ ដើម្បីកាត់បន្ថយហានិភ័យនៃភ្លើងឆេះព្រៃដោយឧបករណ៍ប្រើប្រាស់សាធារណៈ។

ការងារបង្កើនភាពរឹងមាំនៃបណ្តាញអគ្គិសនីអាចតម្រូវឱ្យមានការចូលប្រើបរិវេណអចលនទ្រព្យបុគ្គលម្តងម្កាល ប៉ុន្តែនឹងមានការជូនដំណឹងជាមុនដល់ម្ចាស់អចលនទ្រព្យ។ យើងយល់ដឹងពីភាពតានតឹងដែលចរាចរណ៍អាចមានលើជីវិតរបស់យើងទាំងអស់គ្នា ហើយ SCE នឹងធ្វើការយ៉ាងជិតស្និទ្ធជាមួយទីក្រុងលើការផ្សព្វផ្សាយសាធារណៈជុំវិញផលប៉ះពាល់ចរាចរណ៍ ដើម្បីឱ្យយើងអាចប្រាកដបានថាអ្នករស់នៅតំបន់នោះរៀបចំផែនការធ្វើដំណើរ និងកិច្ចការប្រចាំថ្ងៃជុំវិញការបិទចរាចរណ៍។ យើងមិនអាចលុបបំបាត់ផលប៉ះពាល់នៃការបិទផ្លូវបានទេ ប៉ុន្តែយើងអាចកាត់បន្ថយការរំខាននេះដោយការផ្សព្វផ្សាយជាដំណឹង។

យានជំនិះ SCE នឹងមានរូបសញ្ញារបស់ក្រុមហ៊ុន។ អ្នកណាដែលពាក់ព័ន្ធនឹងការងារនេះក៏នឹងពាក់បណ្ណសម្គាល់ផងដែរ។