អតិថិជនដែលរស់នៅក្នុង តំបន់ដែលមានហានិភ័យភ្លើងឆេះខ្ពស់ មានឱកាសខ្ពស់ជាងក្នុងការជួបប្រទះនឹង PSPS។ ទោះជាយ៉ាងណាក៏ដោយ អតិថិជនដែលមិនរស់នៅក្នុងតំបន់ដែលមានហានិភ័យភ្លើងឆេះខ្ពស់ក៏អាចរងផលប៉ះពាល់ដោយសារតែលក្ខណៈភ្ជាប់ប្រទាក់គ្នានៃបណ្តាញអគ្គិសនីផងដែរ។ SCE មានបណ្ដាញសៀគ្វីផ្គត់ផ្គង់ថាមពលដល់ប្រជាជនចំនួន 15 លាននាក់ក្នុងផ្ទៃដី 50,000 ម៉ាយល៍ការ៉េនៃរដ្ឋ California តំបន់កណ្តាល តំបន់ឆ្នេរសមុទ្រ និងភាគខាងត្បូង។ អ្នកណាក៏ដោយដែលនៅក្នុងរដ្ឋ California អាចរងផលប៉ះពាល់ដោយព្រឹត្តិការណ៍អាសន្នដូចជាការផ្ដាច់ចរន្តដើម្បីសុវត្ថិភាព និងត្រូវរៀបចំខ្លួនដោយប្រើផែនការ។

អ្នកអាចរំពឹងថានឹងឮពីពួកយើងនៅចន្លោះពេលទៀងទាត់៖

• 4-7 ថ្ងៃមុន៖ នៅពេលដែលយើងព្យាករឃើញអាកាសធាតុធ្ងន់ធ្ងរ យើងចាប់ផ្ដើមរៀបចំផែនការជាមុនរហូតដល់មួយសប្តាហ៍។ សូមពិគ្រោះជាមួយ ផែនទីការយល់ដឹងអំពីអាកាសធាតុ របស់យើងសម្រាប់ការព្យាករអាកាសធាតុរយៈពេលប្រាំពីរថ្ងៃ។
• 3 ថ្ងៃមុន៖ យើងផ្ញើការជូនដំណឹងដំបូងអំពីការផ្ដាច់ចរន្តអគ្គិសនីដែលអាចកើតមានដល់រដ្ឋាភិបាលក្នុងតំបន់និងរដ្ឋាភិបាលកុលសម្ព័ន្ធ មន្រ្តីសង្គ្រោះបន្ទាន់ អ្នកជួយសង្គ្រោះបឋម មន្ទីរពេទ្យនិងហេដ្ឋារចនាសម្ព័ន្ធនិងអ្នកផ្តល់សេវាកម្មសំខាន់ៗដទៃទៀត។ យើងបង្ហោះព័ត៌មានជាមុនទៅកាន់ផតថលដៃគូសុវត្ថិភាពសាធារណៈ និងបង្ហាញតំបន់ និងធនធានដែលរងផលប៉ះពាល់នៅលើផែនទី ការដាច់អគ្គិសនី។
• 2 ថ្ងៃមុន៖ យើងផ្ញើការជូនដំណឹងដំបូងជូនអតិថិជន និងធ្វើបច្ចុប្បន្នភាពការជូនដំណឹងជូនរដ្ឋាភិបាល និងទីភ្នាក់ងារមូលដ្ឋាន។
• 1 ថ្ងៃមុន៖ យើងផ្ញើព័ត៌មានអំពីពេលវេលាដែលបានធ្វើបច្ចុប្បន្នភាពទៅអតិថិជនទាំងអស់។
• 0-4 ម៉ោងមុន៖ នៅពេលដែលអាចធ្វើទៅបាន យើងផ្ញើការជូនដំណឹងថា ថាមពលអគ្គិសនីទំនងជាត្រូវបានផ្ដាច់។
• សូមចំណាំ៖ ការចាប់ផ្តើមលក្ខខណ្ឌអាកាសធាតុដែលមិនទៀងទាត់ ឬភ្លាមៗ អាចប៉ះពាល់ដល់សមត្ថភាពរបស់យើងក្នុងការផ្តល់ការជូនដំណឹងជាមុនដល់អតិថិជន។

ខ្យល់បក់ខ្លាំងគួបផ្សំនឹងលក្ខខណ្ឌដីស្ងួតអាចបង្កើនការគំរាមកំហែងភ្លើងឆេះព្រៃ។ ខ្យល់ដូចគ្នាទាំងនេះអាចបណ្តាលឱ្យរុក្ខជាតិ ឬវត្ថុផ្សេងទៀតបកបោកចូលទៅក្នុងខ្សែភ្លើង ហើយអាចបណ្តាលឱ្យមានការបង្កភ្លើងឆេះ ដែលអាចបង្កើតភ្លើងឆេះព្រៃយ៉ាងខ្លាំង។ ក្នុងស្ថានភាពទាំងនេះ យើងអាចនឹងផ្ដាច់ចរន្តអគ្គិសនីជាបណ្តោះអាសន្នដល់អតិថិជនដើម្បីការពារអ្នកនិងសហគមន៍របស់អ្នកឱ្យមានសុវត្ថិភាព។ SCE ពិចារណាលើកត្តា និងលក្ខខណ្ឌមួយចំនួនមុនពេលប្រកាស PSPS រួមមានជាអាទិ៍៖

• ខ្យល់ខ្លាំង
• សំណើមទាប
• រុក្ខជាតិក្រៀមស្ងួតដែលអាចក្លាយជាងងើកភ្លើង
• ការសង្កេតជាក់ស្តែងលើផ្ទៃដី
• ការគំរាមកំហែងរបស់អគ្គិភ័យដល់ហេដ្ឋារចនាសម្ព័ន្ធអគ្គិសនី
• ហានិភ័យសុវត្ថិភាពសាធារណៈ