ខណៈដែលសភាពធ្ងន់ធ្ងរ និងភាពញឹកញាប់នៃភ្លើងឆេះព្រៃក្នុងរដ្ឋ California កើនឡើង សេវាទឹកភ្លើងក្នុងរដ្ឋ រួមបញ្ចូលទាំង Southern California Edison បានអនុវត្តការដាច់អគ្គិសនីដោយការផ្ដាច់ចរន្តថាមពលអគ្គិសនីដើម្បីសុវត្ថិភាពសាធារណៈ (PSPS) ក្នុងការកាត់បន្ថយហានិភ័យដែលហេដ្ឋារចនាសម្ព័ន្ធអគ្គិសនីបង្កឱ្យមានភ្លើងឆេះព្រៃ។ ការដាច់អគ្គិសនី PSPS គឺជាឧបករណ៍ជាជម្រើសចុងក្រោយ។

ការដាច់អគ្គិសនី PSPS ត្រូវបានអនុញ្ញាត និងគ្រប់គ្រងដោយគណៈកម្មការត្រួតពិនិត្យសាធារណៈរបស់រដ្ឋ California (CPUC)។ ដើម្បីកាត់បន្ថយផលប៉ះពាល់ដល់សហគមន៍ និងសុវត្ថិភាពដោយសារ PSPS គណៈកម្មការ CPUC បានសម្គាល់មជ្ឈមណ្ឌលនិងហេដ្ឋារចនាសម្ព័ន្ធសំខាន់ៗជានីតិបុគ្គល "ដែលមានសារៈសំខាន់សម្រាប់សុវត្ថិភាពសាធារណៈ និងដែលត្រូវការជំនួយបន្ថែម និងការធ្វើផែនការទុកជាមុន ដើម្បីធានាភាពធន់ក្នុងអំឡុងពេលព្រឹត្តិការណ៍ផ្ដាច់ចរន្តថាមពល"។

 

ផតថលដៃគូសុវត្ថិភាពសាធារណៈ

នីតិបុគ្គលដែលត្រូវបានចាត់តាំងជាមជ្ឈមណ្ឌលសំខាន់ៗ និងហេដ្ឋារចនាសម្ព័ន្ធសំខាន់ៗទទួលបានការជូនដំណឹងជាអាទិភាពអំពីការដាច់អគ្គិសនី PSPS និងអាចទទួលបានអត្ថប្រយោជន៍ពីការចូលទៅកាន់ផតថលដៃគូសុវត្ថិភាពសាធារណៈ ដែលមានសុវត្ថិភាពរបស់ SCE ដែលរួមមានព័ត៌មាន PSPS ដែលបានធ្វើបច្ចុប្បន្នភាព។

យើងនឹងធ្វើការជាមួយមជ្ឈមណ្ឌលសំខាន់ៗ និងនីតិបុគ្គលហេដ្ឋារចនាសម្ព័ន្ធសំខាន់ៗ ដើម្បីជួយវាយតម្លៃភាពធន់ និងសិទ្ធិទទួលបានថាមពលបម្រុងទុករបស់ពួកគេ។ អាជីវកម្មដែលមានសិទ្ធិទទួលបានការកំណត់ទីតាំងជាមជ្ឈមណ្ឌល និងហេដ្ឋារចនាសម្ព័ន្ធសំខាន់ៗ អាចស្នើសុំសិទ្ធិចូលប្រើប្រាស់ ផតថលដៃគូសុវត្ថិភាពសាធារណៈ របស់ SCE។

ចូលទៅកាន់ ផតថលដៃគូសុវត្ថិភាពសាធារណៈ

 

វិស័យឧស្សាហកម្ម

នីតិបុគ្គលនៅក្នុងវិស័យឧស្សាហកម្មខាងក្រោមត្រូវបានចាត់ទុកថាជា "មជ្ឈមណ្ឌល និងហេដ្ឋារចនាសម្ព័ន្ធសំខាន់ៗ" ដោយគណៈកម្មការ CPUC។

សេវាសម្រាប់គ្រាអាសន្ន

មជ្ឈមណ្ឌលបញ្ជូនពេលមានអាសន្ន ស្ថានីយប៉ូលីស ស្ថានីយពន្លត់អគ្គិភ័យ មជ្ឈមណ្ឌលប្រតិបត្តិការពេលមានអាសន្ន អ្នកផ្តល់សេវាពេលមានអាសន្នរបស់រដ្ឋាភិបាលកុលសម្ព័ន្ធ។

ស្ថាប័នរដ្ឋាភិបាល

សាលារៀន ទីភ្នាក់ងាររដ្ឋាភិបាលដែលចាំបាច់សម្រាប់ការការពារជាតិ ពន្ធនាគារ និងគុក ជម្រកសម្រាប់អ្នកគ្មានផ្ទះសម្បែង មជ្ឈមណ្ឌលសហគមន៍ មជ្ឈមណ្ឌលមនុស្សចាស់ មជ្ឈមណ្ឌលរស់នៅឯករាជ្យ (ដូចដែលបានកំណត់ដោយក្រសួងស្តារនីតិសម្បទាឡើងវិញរដ្ឋកាលីហ្វ័រញ៉ា) មណ្ឌលបោះឆ្នោត និងកន្លែងរាប់សន្លឹកឆ្នោត។

សុខាភិបាល និងសុខភាពសាធារណៈ

ក្រសួងសុខភាពសាធារណៈ មជ្ឈមណ្ឌលប្រព័ន្ធត្រជាក់ (ឬកម្ដៅ) មជ្ឈមណ្ឌលបណ្តោះអាសន្នដែលត្រូវបានបង្កើតឡើងសម្រាប់គ្រាអាសន្នផ្នែកសុខភាពសាធារណៈ មជ្ឈមណ្ឌលវេជ្ជសាស្ត្រ រួមមានមន្ទីរពេទ្យ មណ្ឌលថែទាំជំនាញ មណ្ឌលមើលថែមនុស្សចាស់ កន្លែងផ្ទុកឈាម មជ្ឈមណ្ឌលថែទាំសុខភាព មជ្ឈមណ្ឌលលាងឈាម និងមជ្ឈមណ្ឌលសង្គ្រោះកុមារ (មិនរាប់បញ្ចូលការិយាល័យវេជ្ជបណ្ឌិត ឬមជ្ឈមណ្ឌលវេជ្ជសាស្ត្រដែលមិនចាំបាច់ដទៃទៀត)។

ថាមពល

មជ្ឈមណ្ឌលសាធារណៈ និងឯកជនដែលចាំបាច់ក្នុងការរក្សា ឬស្តារសេវាកម្មធម្មតា រួមមានជាអាទិ៍សេវាទឹកភ្លើងសាធារណៈដែលជាកម្មសិទ្ធិរដ្ឋ និងសហគ្រាសអគ្គិសនីដែលជាប់ពាក់ព័ន្ធ។

ប្រព័ន្ធទឹក និងទឹកកខ្វក់

មជ្ឈមណ្ឌលដែលទាក់ទងនឹងការផ្គត់ផ្គង់ទឹកផឹក ឬការកែច្នៃទឹកកខ្វក់ រួមទាំងមជ្ឈមណ្ឌលដែលប្រើសម្រាប់បូម បង្វែរ ដឹកជញ្ជូន ស្តុកទុក ប្រព្រឹត្តិកម្ម និងចែកចាយទឹក ឬទឹកកខ្វក់។

ទូរគមនាគមន៍

ហេដ្ឋារចនាសម្ព័ន្ធក្រុមហ៊ុនផ្ដល់សេវាទូរគមនាគមន៍ រួមទាំងរ៉ោតទ័រសម្រិតសម្រាំង ការិយាល័យកណ្តាល មជ្ឈមណ្ឌលទទួលសញ្ញាទូរគមនាគមន៍ ទីបញ្ជាប្ដូរបណ្ដាញទូរសព្ទចល័ត ស្ថានីយគ្រប់គ្រងពីចម្ងាយ និងទីតាំងបម្រើសេវាទូរសព្ទចល័ត។

សារធាតុគីមី

មជ្ឈមណ្ឌលដែលទាក់ទងទៅនឹងការផ្គត់ផ្គង់ ការផលិត ការថែទាំ ឬការចែកចាយសម្ភារៈនិងសារធាតុគីមីដែលមានគ្រោះថ្នាក់ (រួមបញ្ចូលទាំងអតិថិជនប្រភេទ N ដូចដែលបានកំណត់នៅក្នុងសេចក្តីសម្រេចរបស់គណៈកម្មការ CPUC នៅ D.01-06-085)។

ការដឹកជញ្ជូន

រួមបញ្ចូលមជ្ឈមណ្ឌលដែលទាក់ទងនឹងយានយន្ត ផ្លូវដែក អាកាសចរណ៍ មធ្យោបាយធ្វើដំណើរសាធារណៈសំខាន់ៗ និងមធ្យោបាយធ្វើដំណើរតាមផ្លូវសមុទ្រសម្រាប់គោលបំណងស៊ីវិល និងយោធា និងប្រព័ន្ធគ្រប់គ្រងចរាចរណ៍។

ចំណីអាហារនិងកសិកម្ម

ស្ថាប័នផ្តល់អាហារសង្គ្រោះបន្ទាន់ ដូចដែលបានកំណត់នៅក្នុង 7 USC § 7501 និងធនាគារអាហារ។

 

ការធ្វើបច្ចុប្បន្នភាពព័ត៌មានទំនាក់ទំនង និងផែនការភាពធន់

ចូលទៅកាន់មជ្ឈមណ្ឌលចំណូលចិត្តក្នុង MyAccount ដើម្បីធ្វើបច្ចុប្បន្នភាពព័ត៌មានទំនាក់ទំនងសម្រាប់ការដាច់អគ្គិសនី ដើម្បីធានាថាអ្នកត្រូវបានជូនដំណឹងអំពីការដាច់អគ្គិសនី PSPS ដែលអាចកើតមាន និងអាចរៀបចំអាជីវកម្មរបស់អ្នកបានត្រឹមត្រូវ។ យ៉ាងតិច សូមផ្តល់ឱ្យ SCE មនុស្សពីរនាក់ដើម្បីទាក់ទងនៅអាជីវកម្មរបស់អ្នក – បុគ្គលសម្រាប់ទំនាក់ទំនងបឋម និងបន្ទាប់បន្សំ។ លើសពីនេះទៀត សូមរួមបញ្ចូលវិធីសាស្រ្តទំនាក់ទំនងជាច្រើន (ឧទាហរណ៍ អ៊ីមែល ទូរសព្ទ សារជាអក្សរ។ល។)។

ដើម្បីធានាបាននូវនិរន្តភាពនៃប្រតិបត្តិការរបស់អ្នកក្នុងអំឡុងពេលមានអាសន្ន និងការដាច់អគ្គិសនីផ្សេងទៀត សូមពិចារណាបញ្ចូលកម្លាំងអគ្គិសនីនៃការបង្កើតថាមពលអគ្គិសនីបម្រុងទុកទៅក្នុងផែនការរបស់អ្នក។

យើងលើកទឹកចិត្តអ្នកឱ្យពិនិត្យមើល និងធ្វើបច្ចុប្បន្នភាពផែនការភាពធន់អាជីវកម្មរបស់អ្នក ហើយស្នើសុំឱ្យអ្នកចែករំលែកព័ត៌មានជាមួយយើងអំពីការរៀបចំផែនការរបស់អ្នកសម្រាប់ PSPS ឬស្ថានការណ៍អាសន្នផ្សេងទៀត និងតម្រូវការថាមពលបម្រុងទុករបស់អ្នក។

ដំណោះស្រាយថាមពលបម្រុងទុក

ការវាយតម្លៃលើការបង្កើតថាមពលអគ្គិសនីបម្រុងទុក 

នៅពេលអ្នករៀបចំខ្លួនសម្រាប់ព្រឹត្តិការណ៍ PSPS អ្នកអាចស្នើសុំការវាយតម្លៃលើការបង្កើតថាមពលអគ្គិសនីបម្រុងទុក។ ការបញ្ចប់ការវាយតម្លៃនឹងផ្តល់ឱ្យ SCE នូវព័ត៌មានដែលត្រូវការដើម្បីធ្វើការជាមួយអាជីវកម្មរបស់អ្នកលើតម្រូវការថាមពលក្នុងករណីមានគ្រោះអាសន្ន។ សូមបំពេញទម្រង់បែបបទនៅតំណខាងក្រោម ហើយបុគ្គលិក SCE ឬអ្នកគ្រប់គ្រងគណនីនឹងទាក់ទងអ្នក។

ភាពអាចរកបាននៃថាមពលបម្រុងចល័ត

SCE រក្សាម៉ាស៊ីនភ្លើងចល័តចំនួនសរុប 20 សម្រាប់ប្រើប្រាស់តាមតម្រូវការដោយមជ្ឈមណ្ឌល និងហេដ្ឋារចនាសម្ព័ន្ធសំខាន់ៗអំឡុងពេលមានការដាច់អគ្គិសនី PSPS។ ដោយសារតែភាពអាចរកបានមានកំណត់នៃម៉ាស៊ីនភ្លើងចល័ត។ SCE នឹងពិចារណាសំណើសុំថាមពលបម្រុងចល័តពីអតិថិជនប្រភេទមជ្ឈមណ្ឌល និងហេដ្ឋារចនាសម្ព័ន្ធសំខាន់ៗតាមករណីនីមួយៗ ហើយប្រហែលជាមិនអាចបំពេញសំណើទាំងអស់បានទេ។ ក្នុងករណីខ្លះ SCE អាចភ្ជាប់អតិថិជនទៅកាន់ធនធានផ្សេងទៀត ដោយរួមបញ្ចូលការគាំទ្រពីខោនធីនានា។

ទាក់ទងមកយើង

ដើម្បីបញ្ចូលអាជីវកម្មរបស់អ្នកចូលក្នុងបញ្ជីហេដ្ឋារចនាសម្ព័ន្ធនិងមជ្ឈមណ្ឌលសំខាន់តាមការចាត់តាំងរបស់យើងខ្ញុំនោះ ឬប្រសិនបើអ្នកមានសំណួរផ្សេងទៀត សូមទាក់ទងមកកាន់អ្នកគ្រប់គ្រងគណនីរបស់អ្នក ឬផ្ញើសំណួរទៅកាន់៖

Maria Rios
ទីប្រឹក្សាជាន់ខ្ពស់ ផ្នែកអតិថិជនលក្ខណៈអាជីវកម្ម
SCECEDCustomerSupport@sce.com

 

ធនធាន

មើលឯកសារ