1. ਡਿਜ਼ਾਈਨ
ਡਿਜ਼ਾਈਨ ਪੜਾਅ ਦੇ ਦੌਰਾਨ, SCE ਸਰਕਟ ਦੇ ਖਰਾਬ ਹੋਣ ਦੇ ਇਤਿਹਾਸ, ਸਰਕਟ ਦੀ ਸਥਿਤੀ, ਅਤੇ ਆਲੇ-ਦੁਆਲੇ ਦੇ ਖੇਤਰ, ਜਿਸ ਵਿੱਚ ਉਪਕਰਨਾਂ ਦੇ ਨੇੜੇ ਦੀ ਬਨਸਪਤੀ ਅਤੇ ਪਿਛਲੇ ਮੌਸਮ ਦੀਆਂ ਸਥਿਤੀਆਂ ਸ਼ਾਮਲ ਹਨ, ਦੇ ਅਧਾਰ 'ਤੇ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕਰਨ ਲਈ ਸਭ ਤੋਂ ਵਧੀਆ ਵਿਕਲਪਾਂ ਦਾ ਫੈਸਲਾ ਕਰਦਾ ਹੈ। ਇਹ ਵਿਸ਼ਲੇਸ਼ਣ ਇਹ ਨਿਰਧਾਰਤ ਕਰਨ ਲਈ ਇੱਕ ਮਹੱਤਵਪੂਰਨ ਕਦਮ ਹੈ ਕਿ ਪ੍ਰਸਤਾਵਿਤ ਖੇਤਰ ਵਿੱਚ ਕਿਸ ਕਿਸਮ ਦਾ ਕੰਮ ਪੂਰਾ ਕੀਤਾ ਜਾ ਸਕਦਾ ਹੈ ਅਤੇ ਕੰਮ ਦੇ ਦਾਇਰੇ ਨੂੰ ਪਰਿਭਾਸ਼ਿਤ ਕਰਨ ਲਈ ਕਿਹੜੇ ਖਾਸ ਵੇਰਵਿਆਂ ਦੀ ਲੋੜ ਹੈ।

2. ਪ੍ਰਵਾਨਗੀਆਂ
ਇੱਕ ਵਾਰ ਕੰਮ ਦਾ ਦਾਇਰਾ ਸਥਾਪਤ ਹੋ ਜਾਣ ਤੋਂ ਬਾਅਦ, SCE ਇਹ ਨਿਰਧਾਰਤ ਕਰ ਸਕਦਾ ਹੈ ਕਿ ਕੀ ਪ੍ਰਵਾਨਗੀਆਂ ਦੀ ਲੋੜ ਹੈ। ਜ਼ਿਆਦਾਤਰ ਪ੍ਰੋਜੈਕਟਾਂ ਲਈ ਸੜਕਾਂ ਬੰਦ ਕਰਨ ਲਈ ਘੱਟੋ-ਘੱਟ ਇੱਕ ਪਰਮਿਟ ਦੀ ਲੋੜ ਹੁੰਦੀ ਹੈ, ਜੋ ਆਮ ਤੌਰ 'ਤੇ ਕਿਸੇ ਸ਼ਹਿਰ, ਕਾਉਂਟੀ, ਜਾਂ ਕੈਲਟ੍ਰਾਂਸ (Caltrans) ਤੋਂ ਲਿਆ ਜਾਂਦਾ ਹੈ। ਵਾਧੂ ਪਰਮਿਟਾਂ ਦੀਆਂ ਲੋੜਾਂ ਪ੍ਰੋਜੈਕਟ ਦੀ ਸਥਿਤੀ 'ਤੇ ਨਿਰਭਰ ਕਰਦੀਆਂ ਹਨ। ਇਹਨਾਂ ਵਿੱਚ ਰਾਜ ਅਤੇ ਸੰਘੀ ਜ਼ਮੀਨੀ ਪਰਮਿਟ, ਵਾਤਾਵਰਣ ਸੰਬੰਧੀ ਮਨਜ਼ੂਰੀਆਂ, ਨਿੱਜੀ ਜਾਇਦਾਦ ਦੇ ਸੁਖ-ਅਧਿਕਾਰ (ਸਹੂਲਤ), ਫੈਡਰਲ ਐਵੀਏਸ਼ਨ ਐਡਮਿਨਿਸਟ੍ਰੇਸ਼ਨ ਦੀਆਂ ਪ੍ਰਵਾਨਗੀਆਂ ਜਾਂ ਰੇਲਵੇ ਦੇ ਰਸਤੇ ਦੇ ਅਧਿਕਾਰ ਪਰਮਿਟ ਸ਼ਾਮਲ ਹੋ ਸਕਦੇ ਹਨ। ਪਰਮਿਟ ਦੀ ਮਨਜ਼ੂਰੀ ਵਿੱਚ ਦੋ ਮਹੀਨਿਆਂ ਜਿੰਨਾ ਘੱਟ ਸਮਾਂ ਲੱਗ ਸਕਦਾ ਹੈ, ਜਾਂ ਇਹ ਪ੍ਰਕਿਰਿਆ ਕਾਫ਼ੀ ਲੰਬੀ ਵੀ ਹੋ ਸਕਦੀ ਹੈ।

3. ਉਸਾਰੀ
ਸਾਰੀਆਂ ਲੋੜੀਂਦੀਆਂ ਪ੍ਰਵਾਨਗੀਆਂ ਮਿਲਣ ਤੋਂ ਬਾਅਦ ਕੰਮ ਦਾ ਸਮਾਂ ਤੈਅ ਕੀਤਾ ਜਾ ਸਕਦਾ ਹੈ ਅਤੇ ਉਸਾਰੀ ਸ਼ੁਰੂ ਹੋ ਸਕਦੀ ਹੈ। ਜ਼ਿਆਦਾਤਰ ਮਾਮਲਿਆਂ ਵਿੱਚ, ਇਸ ਕੰਮ ਲਈ ਉਸਾਰੀ ਦੇ ਅੰਤ ਵਿੱਚ ਬਿਜਲੀ ਬੰਦ ਕਰਨ ਦੀ ਲੋੜ ਹੋਵੇਗੀ, ਜਦੋਂ ਬਿਜਲੀ ਨੂੰ ਉੱਪਰੋਂ ਲੰਘ ਰਹੀਆਂ ਨੰਗੀਆਂ ਤਾਰਾਂ ਤੋਂ ਢੱਕੇ ਕੰਡਕਟਰ ਜਾਂ ਭੂਮੀਗਤ ਲਾਈਨਾਂ ਵਿੱਚ ਤਬਦੀਲ ਕਰਨ ਲਈ ਤਿਆਰ ਕੀਤਾ ਜਾਂਦਾ ਹੈ। ਅਸੀਂ ਗਾਹਕਾਂ ਨੂੰ ਪਹਿਲਾਂ ਤੋਂ ਸੂਚਿਤ ਕਰਾਂਗੇ ਜੇਕਰ ਬਿਜਲੀ ਦੇ ਕੱਟ ਦੀ ਲੋੜ ਹੋਵੇ।

ਜੇਕਰ ਤੁਹਾਨੂੰ ਲੱਗਦਾ ਹੈ ਕਿ ਬਿਜਲੀ ਦੀਆਂ ਤਾਰਾਂ ਨੂੰ ਭੂਮੀਗਤ ਕਰਨ ਦੇ ਕੰਮ ਦੌਰਾਨ ਤੁਹਾਡੀ ਜਾਇਦਾਦ ਨੂੰ ਹੋਏ ਨੁਕਸਾਨ ਲਈ SCE ਜ਼ਿੰਮੇਵਾਰ ਹੈ, ਤਾਂ ਤੁਸੀਂ ਦਾਅਵਾ ਸਪੁਰਦ ਕਰ ਸਕਦੇ ਹੋ। SCE ਦਾ ਦਾਆਵਾ ਵਿਭਾਗ ਹਰੇਕ ਦਾਅਵੇ ਦਾ ਕੇਸ-ਦਰ-ਕੇਸ ਦੇ ਆਧਾਰ 'ਤੇ ਮੁਲਾਂਕਣ ਕਰੇਗਾ। ਤੁਸੀਂ ਦਾਅਵਾ ਦਾਇਰ ਕਰਨ ਬਾਰੇ ਹੋਰ ਜਾਣਕਾਰੀ ਲਈ sce.com/claims 'ਤੇ ਜਾ ਸਕਦੇ ਹੋ।

ਢੱਕੇ ਹੋਏ ਕੰਡਕਟਰ ਲਗਾਉਣ ਜਾਂ ਉੱਪਰਲੀਆਂ ਲਾਈਨਾਂ ਨੂੰ ਭੂਮੀਗਤ ਕਰਨ ਵੇਲੇ ਬਿਜਲੀ ਦੇ ਕੱਟ ਲੱਗ ਸਕਦੇ ਹਨ। SCE ਇਸ ਗੱਲ ਨੂੰ ਸਵੀਕਾਰ ਕਰਦੀ ਹੈ ਕਿ ਅਸਥਾਈ ਕੱਟ ਅਸੁਵਿਧਾਜਨਕ ਹੋ ਸਕਦੇ ਹਨ। ਕੰਮ ਚੱਲਣ ਦੌਰਾਨ ਕਰਮਚਾਰੀਆਂ ਅਤੇ ਜਨਤਾ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਇਹ ਬਿਜਲੀ ਦੇ ਕੱਟ ਜ਼ਰੂਰੀ ਹਨ। ਅਸੁਵਿਧਾ ਨੂੰ ਘੱਟ ਕਰਨ ਲਈ ਇਹ ਕੱਟ ਆਮ ਤੌਰ 'ਤੇ ਪਹਿਲਾਂ ਤੋਂ ਨਿਰਧਾਰਤ ਹੁੰਦੇ ਹਨ ਅਤੇ ਇਨ੍ਹਾਂ ਬਾਰੇ ਗਾਹਕਾਂ ਨੂੰ ਪਹਿਲਾਂ ਹੀ ਸੂਚਿਤ ਕਰ ਦਿੱਤਾ ਜਾਂਦਾ ਹੈ। SCE ਗਾਹਕਾਂ ਨੂੰ ਬਿਜਲੀ ਦੇ ਕੱਟ ਤੋਂ ਘੱਟੋ-ਘੱਟ 72 ਘੰਟੇ ਪਹਿਲਾਂ ਫ਼ੋਨ, ਟੈਕਸਟ ਮੈਸੇਜ, ਈਮੇਲ ਜਾਂ ਡਾਕ ਰਾਹੀਂ ਸੂਚਿਤ ਕਰੇਗੀ ਤਾਂ ਜੋ ਤੁਸੀਂ ਕੋਈ ਵੀ ਲੋੜੀਂਦੀ ਸਾਵਧਾਨੀ ਵਰਤ ਸਕੋ। ਕਿਰਪਾ ਕਰਕੇ ਧਿਆਨ ਦਿਓ ਕਿ ਸੁਰੱਖਿਆ ਕਾਰਨਾਂ ਕਰਕੇ ਸਮੇਂ ਵਿੱਚ ਬਦਲਾਅ ਹੋ ਸਕਦਾ ਹੈ। ਇਹ ਸੰਭਵ ਹੈ ਕਿ ਕਿਸੇ ਬਿਜਲੀ ਦੇ ਕੱਟ ਦਾ ਸਮਾਂ ਬਦਲ ਦਿੱਤਾ ਜਾਵੇ, ਉਸਨੂੰ ਰੱਦ ਕਰ ਦਿੱਤਾ ਜਾਵੇ ਜਾਂ ਉਹ ਨਿਰਧਾਰਤ ਸਮੇਂ ਤੋਂ ਪਹਿਲਾਂ ਖਤਮ ਹੋ ਜਾਵੇ। ਸੂਚਨਾ ਵਿੱਚ ਇੱਕ 'ਸ਼ਡਿਊਲਡ ਆਊਟੇਜ ਨੰਬਰ' (Scheduled Outage Number) ਸ਼ਾਮਲ ਹੋਵੇਗਾ, ਜਿਸ ਨੂੰ ਹਾਲੀਆ ਜਾਣਕਾਰੀ ਪ੍ਰਾਪਤ ਕਰਨ ਲਈ SCE ਦੇ ਊਟੇਜ ਮੈਪ ਵਿੱਚ ਦਰਜ ਕੀਤਾ ਜਾ ਸਕਦਾ ਹੈ। 

ਜਦੋਂ ਕਿ SCE ਨਿਸ਼ਾਨਬੱਧ ਖੇਤਰਾਂ ਵਿੱਚ ਬਿਜਲੀ ਦੀਆਂ ਉਪਰਲੀਆਂ ਲਾਈਨਾਂ ਅਤੇ ਉਪਕਰਨਾਂ ਨੂੰ ਹਟਾ ਕੇ ਉਹਨਾਂ ਨੂੰ ਜ਼ਮੀਨਦੋਜ਼ ਕਰ ਰਿਹਾ ਹੈ, ਉਹ ਖੰਭੇ ਜਿਨ੍ਹਾਂ 'ਤੇ ਹੋਰ ਕੰਪਨੀਆਂ (ਜਿਵੇਂ ਕਿ ਦੂਰਸੰਚਾਰ, ਕੇਬਲ, ਆਦਿ) ਦੀਆਂ ਲਾਈਨਾਂ ਅਤੇ ਸੰਪਤੀਆਂ ਹਨ, ਉਹ ਜ਼ਮੀਨ ਤੋਂ ਉੱਪਰ ਰਹਿ ਸਕਦੇ ਹਨ।SCE ਦੂਰਸੰਚਾਰ ਕੰਪਨੀਆਂ ਨਾਲ ਕੰਮ ਦੇ ਦਾਇਰੇ ਬਾਰੇ ਗੱਲਬਾਤ ਕਰੇਗਾ ਤਾਂ ਜੋ ਉਹਨਾਂ ਨੂੰ ਉਸੇ ਸਮੇਂ ਆਪਣੀਆਂ ਲਾਈਨਾਂ ਨੂੰ ਭੂਮੀਗਤ ਕਰਨ ਦਾ ਮੌਕਾ ਮਿਲ ਸਕੇ।

ਸੁਰੱਖਿਆ SCE ਦੀ ਪਹਿਲੀ ਤਰਜੀਹ ਹੈ। SCE ਦਾ ਗਰਿੱਡ ਨੂੰ ਮਜ਼ਬੂਤ ਕਰਨ ਦਾ ਕਾਰਜ ਸੁਰੱਖਿਆ ਨੂੰ ਸਰਵਉੱਚ ਰੱਖਦਾ ਹੈ ਅਤੇ ਇਹ ਇੱਕ ਵਿਆਪਕ ਰਣਨੀਤੀ ਦੀ ਵਰਤੋਂ ਕਰਦਾ ਹੈ ਜੋ ਬਦਲਦੀਆਂ ਭਾਈਚਾਰਕ ਲੋੜਾਂ ਅਤੇ ਅਤਿ ਦੀਆਂ ਮੌਸਮੀ ਘਟਨਾਵਾਂ ਦੇ ਜਵਾਬ ਵਿੱਚ, ਜੰਗਲੀ ਅੱਗ ਦੇ ਤਤਕਾਲੀ ਅਤੇ ਲੰਬੇ ਸਮੇਂ ਦੇ ਜੋਖਮਾਂ ਨੂੰ ਹੱਲ ਕਰਨ ਲਈ ਨਿਰੰਤਰ ਯਤਨਾਂ 'ਤੇ ਅਧਾਰਤ ਹੈ। ਅਸੀਂ ਗਰਿੱਡ ਨੂੰ ਮਜ਼ਬੂਤ ਬਣਾਉਣਾ ਅਤੇ ਲਚਕੀਲੇਪਨ ਦੇ ਉਪਾਵਾਂ ਵਿੱਚ ਨਿਵੇਸ਼ ਕਰਨਾ ਜਾਰੀ ਰੱਖ ਰਹੇ ਹਾਂ, ਜਿਸ ਵਿੱਚ ਕਵਰਡ ਕੰਡਕਟਰ ਲਗਾਉਣਾ, ਬਿਜਲੀ ਦੀਆਂ ਤਾਰਾਂ ਨੂੰ ਭੂਮੀਗਤ ਕਰਨਾ, ਬਿਜਲੀ ਦੀਆਂ ਲਾਈਨਾਂ ਦੇ ਨੇੜੇ ਤੋਂ ਬਨਸਪਤੀ ਦੀ ਸਫ਼ਾਈ ਕਰਨਾ, ਮੁਰੰਮਤ ਅਤੇ ਰੱਖ-ਰਖਾਅ ਲਈ ਉਪਕਰਣਾਂ ਦੀ ਜਾਂਚ ਕਰਨਾ ਅਤੇ ਉਪਯੋਗਤਾ ਉਪਕਰਣਾਂ ਕਾਰਨ ਜੰਗਲੀ ਅੱਗ ਦੇ ਖ਼ਤਰੇ ਨੂੰ ਘਟਾਉਣ ਲਈ ਉੱਨਤ ਤਕਨੀਕਾਂ ਨੂੰ ਏਕੀਕ੍ਰਿਤ ਕਰਨਾ ਸ਼ਾਮਲ ਹੈ।

ਗਰਿੱਡ ਮਜ਼ਬੂਤੀਕਰਨ ਦੇ ਕੰਮ ਲਈ ਕਦੇ-ਕਦਾਈਂ ਵਿਅਕਤੀਗਤ ਜਾਇਦਾਦ ਤੱਕ ਪਹੁੰਚ ਦੀ ਲੋੜ ਹੋ ਸਕਦੀ ਹੈ, ਪਰ ਇਸ ਬਾਰੇ ਜਾਇਦਾਦ ਦੇ ਮਾਲਕਾਂ ਨੂੰ ਸਮੇਂ ਤੋਂ ਪਹਿਲਾਂ ਸੂਚਿਤ ਕੀਤਾ ਜਾਵੇਗਾ। ਅਸੀਂ ਉਸ ਤਣਾਅ ਨੂੰ ਸਮਝਦੇ ਹਾਂ ਜੋ ਟ੍ਰੈਫਿਕ ਸਾਡੇ ਸਾਰਿਆਂ ਦੇ ਜੀਵਨ 'ਤੇ ਪਾ ਸਕਦਾ ਹੈ, ਅਤੇ SCE ਟ੍ਰੈਫਿਕ ਪ੍ਰਭਾਵਾਂ ਬਾਰੇ ਜਨਤਕ ਪਹੁੰਚ ਬਣਾਉਣ ਲਈ ਸ਼ਹਿਰ ਦੇ ਪ੍ਰਸ਼ਾਸਨ ਨਾਲ ਮਿਲ ਕੇ ਕੰਮ ਕਰੇਗੀ ਤਾਂ ਜੋ ਅਸੀਂ ਇਹ ਯਕੀਨੀ ਬਣਾ ਸਕੀਏ ਕਿ ਲੋਕ ਰਸਤੇ ਬੰਦ ਹੋਣ ਦੇ ਅਨੁਸਾਰ ਆਪਣੇ ਆਉਣ-ਜਾਣ ਅਤੇ ਰੋਜ਼ਾਨਾ ਦੇ ਕੰਮਾਂ ਦੀ ਯੋਜਨਾ ਬਣਾ ਸਕਣ। ਅਸੀਂ ਲੇਨ ਬੰਦ ਹੋਣ ਦੇ ਪ੍ਰਭਾਵ ਨੂੰ ਖਤਮ ਨਹੀਂ ਕਰ ਸਕਦੇ, ਪਰ ਅਸੀਂ ਜਾਣਕਾਰੀ ਫੈਲਾਉਣ ਦੁਆਰਾ ਅਸੁਵਿਧਾਵਾਂ ਨੂੰ ਘੱਟ ਕਰ ਸਕਦੇ ਹਾਂ।

SCE ਦੇ ਵਾਹਨਾਂ 'ਤੇ ਕੰਪਨੀ ਦਾ ਲੋਗੋ ਲੱਗਿਆ ਹੋਵੇਗਾ। ਕੰਮ ਨਾਲ ਜੁੜੇ ਹਰ ਵਿਅਕਤੀ ਕੋਲ ID ਬੈਜ ਵੀ ਹੋਣਗੇ।