PSPS ਅਤੇ ਹੋਰ ਐਮਰਜੈਂਸੀ ਬਿਜਲੀ ਦੇ ਕੱਟ ਦੌਰਾਨ ਕਿਹੜੇ ਸਰੋਤ ਉਪਲਬਧ ਹਨ?

ਐਸਸੀਈ (SCE) ਪੀਐਸਪੀਐਸ (PSPS) ਅਤੇ ਹੋਰ ਵੱਡੇ ਜਨਤਕ ਸੁਰੱਖਿਆ ਸਮਾਗਮਾਂ ਦੌਰਾਨ ਕਮਿਊਨਿਟੀ ਰਿਸੋਰਸ ਸੈਂਟਰਾਂ ਅਤੇ ਕਮਿਊਨਿਟੀ ਕਰੂ ਮੈਂਬਰਾਂ ਵਾਹਨਾਂ ਰਾਹੀਂ ਗਾਹਕਾਂ ਨੂੰ ਸਮਰਥਨ ਪ੍ਰਦਾਨ ਕਰਦਾ ਹੈ। ਪੀਐੱਸਪੀਐੱਸ (PSPS) ਦੇ ਦੌਰਾਨ, ਸਥਾਨਾਂ ਲਈ ਬਿਜਲੀ ਦੇ ਕੱਟ ਸੰਬੰਧੀ ਮੈਪ (Outage Map) 'ਤੇ ਜਾਓ। ਸਥਾਨਾਂ ਬਾਰੇ ਜਾਣਕਾਰੀ ਆਮ ਤੌਰ 'ਤੇ ਸੰਭਾਵਿਤ PSPS ਤੋਂ ਇੱਕ ਦਿਨ ਪਹਿਲਾਂ ਤੱਕ ਪੋਸਟ ਕੀਤੀ ਜਾਂਦੀ ਹੈ।  

ਸੇਵਾਵਾਂ ਵਿੱਚ ਬਿਜਲੀ ਦੇ ਕੱਟ ਸੰਬੰਧੀ ਨਵੀਨਤਮ ਜਾਣਕਾਰੀ, PSPS ਚੇਤਾਵਨੀ ਲਈ ਨਾਮਾਂਕਣ ਵਿੱਚ ਸਹਾਇਤਾ, ਮੋਬਾਈਲ ਅਤੇ ਪੋਰਟੇਬਲ ਮੈਡੀਕਲ ਉਪਕਰਨਾਂ ਦੀ ਚਾਰਜਿੰਗ, ਰੈਸਟਰੂਮ, ਵਾਈ-ਫਾਈ, ਪਾਣੀ ਤੱਕ ਪਹੁੰਚ, ਹਲਕੇ ਸਨੈਕਸ, ਦਵਾਈਆਂ ਲਈ ਬਰਫ਼ ਅਤੇ ਇਨਸੂਲੇਟਿਡ ਠੰਡੇ ਬੈਗ, ਅਤੇ ਰੈਜ਼ੀਲਿਐਂਸੀ ਕਿੱਟਾਂ (ਬਚਾਅ/ਤਿਆਰੀ ਕਿੱਟਾਂ) ਸ਼ਾਮਲ ਹਨ। ਅਸੀਂ ਭਾਸ਼ਾ ਸੰਬੰਧੀ ਸਹਾਇਤਾ ਵੀ ਪ੍ਰਦਾਨ ਕਰਦੇ ਹਾਂ ਅਤੇ ਅਪਾਹਜਤਾਵਾਂ ਜਾਂ ਹੋਰ ਪਹੁੰਚ ਅਤੇ ਕਾਰਜਸ਼ੀਲ ਲੋੜਾਂ ਵਾਲੇ ਗਾਹਕਾਂ ਲਈ ਸਹੂਲਤਾਂ ਦਾ ਪ੍ਰਬੰਧ ਕਰਦੇ ਹਾਂ, ਜਿਨ੍ਹਾਂ ਵਿੱਚ ਵ੍ਹੀਲਚੇਅਰਾਂ, ਗੋਪਨੀਯਤਾ ਸਕ੍ਰੀਨਾਂ, ਸੈਂਸਰੀ ਕਿੱਟਾਂ ਅਤੇ ਸੇਵਾ ਕਰਨ ਵਾਲੇ ਜਾਨਵਰਾਂ ਲਈ ਭੋਜਨ ਦੀ ਸਪਲਾਈ ਸ਼ਾਮਲ ਹੈ।