MAGTIPID AT PANATILIHIN ANG KURYENTE PARA SA LAHAT
Ang pagtitipid ng kuryente ay tumutulong sa pagbabawas na mapuwersa ang grid ng kuryente.
Dahil sa matinding init, tumataas ang paggamit ng kuryente at napupuwersa ang tustos ng kuryente. Kapag nangyari ito, ang kusang loob na pagtitipid sa ating mga tahanan at negosyo ay makakatulong sa paghinto ng mga pagkawala ng kuryente. Naririto ang ilang mga tip kaugnay ng pagtitipid, at isang listahan ng mga mapagkukunan na makakatulong sa inyo.
Residensiyal
Ang mga kustomer na pang-residensiyal ay makakatulong sa pagtitipid at pagpapanatili ng kuryente sa mga panahon ng napakatinding kainitan. Sa pamamagitan ng pagsunod sa ilang mga simpleng tip para sa maghapon, mapapanatiling nakakapagpalamig ang mga kustomer habang pinananatili ang kuryente para sa lahat.
Negosyo
Ang mga negosyo ay hinihikayat na tumulong sa pagtitipid ng kuryente at bawasan ang paggamit ng kuryente sa panahon ng napakatinding kainitan. Gamit ang ilang mga simpleng hakbang, ang mga negosyo ay makakapaglingkod pa rin sa kanilang mga kustomer habang pinananatiling may kuryente ang lahat.
Magpatala para sa mga notipikasyong Flex Alert upang malaman ninyo kung panahon na upang magtipid ng kuryente. Para sa karagdagang kaalaman at makapagpatala, bisitahin ang flexalert.org.
Mga KARAGDAGANG MAPAGKUKUNAN
Mga Kustomer na Pang-residensiyal
Ginagantimpalaan kayo ng programang Power Saver Rewards para sa kusang loob na pagpapababa ng inyong paggamit ng kuryente sa panahon ng mga kaganapang Power Saver Rewards, na tinatawag kapag ang grid ng kuryente ay napupuwersa. Para sa karagdagang kaalaman, bisitahin ang Powersaver.sce.com.
Mga Pang-negosyong Kustomer
Kung mapapababa ng inyong negosyo ang paggamit nito ng kuryente sa pagitan ng 4 nang hapon hanggang 9 nang gabi, kikita kayo ng mga insentibo sa pag-eenrol sa Emergency Load Reduction Program (ELRP). Para sa karagdagang kaalaman, bisitahin ang ELRP.sce.com.
Kung kayo ay umaasa sa kagamitang medikal na pinapagana ng kuryente, maaaring karapat-dapat kayo para sa programang Medical Baseline Allowance ng SCE. Ang programang ito ay nagbibigay ng karagdagang 16.5 kilowatt-hours (kWh) ng kuryente kada araw. Ibinibigay nang nasa pinakamababang batayang antas, tumutulong ito na mabawi ang halaga ng pang-operasyong kagamitang medikal.
Para sa aming mga kustomer na nakatira sa mga lugar na nasa mataas na panganib ng sunog (HFRA), ang online na Marketplace ng SCE ay nagbibigay ng mga rebate upang makatulong na mabawi ang mga halaga ng mga nabibitbit na baterya (hanggang $150) pati na ng mga nabibitbit na generator (hanggang $600 para sa mga kustomer na naka-enrol sa alinman sa mga programang California Alternative Rates for Energy, Family Electric Rate Assistance, o Medical Baseline Allowance ).
Ang programang Critical Care Backup Battery ng SCE ay nagbibigay sa mga karapat-dapat na kustomer, na nakatira sa isang lugar na nasa mataas na panganib ng sunog at naka-enrol sa programang Medical Baseline Allowance ng SCE, ng libreng nabibitbit na pang-back-up na baterya upang makapagbigay ng pansamantalang kuryente para sa aparato (mga aparato) sa kaganapan ng isang pagkawala ng kuryente.
Ang mga Sentrong Palamigan (Cooling Centers) ay nagbibigay ng ligtas, naka-aircon na mga pasilidad sa mga panahon ng napakatinding kainitan. Maghanap ng isang Cool Center.
- Ang aming mga tauhan ay nakahanda para sa napakatinding kainitan at matatawagan upang magsagawa ng mga pagkukumpuni nang mabilis at nang ligtas hangga’t maaari.
- Regular naming ina-update ang impormasyon sa sce.com kaugnay ng CAISO outage.
- Bisitahin ang Power Outage Awareness Map upang makita ang kalagayan ng mga pagkawala ng kuryente sa inyong lugar.